ആരോഗ്യ പ്രദമാക്കാം നോമ്പുകാലം.....

ആരോഗ്യ പ്രദമാക്കാം നോമ്പുകാലം*🌙🍵

Courtesy: Info Drs Ayurveda FBPage

( https://www.facebook.com/AYUDOCTORS/?hc_ref=ARRaaSY511k0ld7lCndktvF5cvMUkk3Kai_UXFHCssNVDyKCY0XBpEx7TY9lKu5jAuk&fref=nf&__tn__=kCH-R  )

ഇരുപത്തിയഞ്ചു കൊല്ലമെങ്കിലും മുമ്പുള്ള
നോമ്പുകാലം.പള്ളിമുറ്റത്ത് വലിയ ചെമ്പിലിട്ട് പാചകം ചെയ്യുന്ന ധാരാളം വെള്ളത്തോട് കൂടിയ കഞ്ഞി വാങ്ങാൻ,മലമുകളിൽ നിന്ന് ദരിദ്രകുടുംബങ്ങളടക്കം, അലുമിനിയം കലങ്ങളിൽ ചൂടിക്കയർ കെട്ടി അതിൽ തൂക്കി പിടിച്ച് വന്നിരുന്ന കാലം.
ജലാംശം ധാരാളമുള്ള ആ കഞ്ഞി, രണ്ട് തവണയായി കുടിച്ചാണ് പകലിന്റെ ദ്രവ നഷ്ടം (Dehydration) അവർ
മറികടന്നിരുന്നത്.

അവിടെ നിന്നും വിഭവ സമൃദ്ധമായ ഇഫ്ത്താർ വിരുന്നുകളിലേക്കുള്ള ചുവടുമാറ്റം ആരോഗ്യത്തിൽ നിന്നും അനാരോഗ്യത്തിലേക്കുള്ള ചുവടുമാറ്റമായി മാറിയിട്ടില്ലേ?

നോമ്പുകാലത്തുപോലും ഒരിത്തിരി വണ്ണം കുറയുന്നില്ല എന്ന പരാതിക്കാർ

ഏറെയാണിപ്പോൾ ...

ഭക്ഷണത്തോട് മാത്രമല്ല, ലൗകിക തൃഷ്ണകളോടും അകലം പാലിക്കുന്ന മാസമാണ് റംസാൻ.

*റാംസാൻ നോമ്പിനെ എങ്ങനെ ആരോഗ്യപ്രദമാക്കാം??*

ഇന്നത്തെ നോമ്പുതുറകൾ അനാരോഗ്യത്തിന്റെ വാതിൽ തുറക്കലുകളായി മാത്രമേ കാണാനാകൂ.

മുപ്പതു ദിവസം കൊണ്ട് ഓരോ വയറും എണ്ണക്കിണർ ആക്കലാണ് ലക്ഷ്യമെന്ന് തോന്നിപ്പോകും.

*നോമ്പിലെ ഉപവാസം*

ഉപവാസം, ആയുർവേദത്തിൽ
ഒരു ചികിത്സാമാർഗം കൂടിയാണ്.
ആയുർവേദ പ്രകാരമുള്ള ഉപവാസവും
റംസാൻ നോമ്പും തമ്മിൽ ചില വ്യത്യാസങ്ങളുണ്ടെങ്കിലും ദഹന വ്യവസ്ഥക്ക് വിശ്രമം എന്ന കാഴ്ചപ്പാട് രണ്ടും പങ്കു വയ്ക്കുന്നുണ്ട്.

''ഒരു ചേഞ്ച് ആരാണ് ഇഷ്ടപ്പെടാത്തത്??"

എന്ന പരസ്യവാചകം പോലെ,
പതിനൊന്നു മാസത്തെ ഭക്ഷണ രീതികളിൽ നിന്നുള്ള ക്രിയാത്മക മാറ്റമാകണം റംസാൻ മാസത്തിലുണ്ടാകേണ്ടത്.
ഭൗർഭാഗ്യവശാൽ
*അമിതാഹാരങ്ങളില്ലാതെ നമുക്കെന്താഘോഷം* എന്ന മട്ടിലേക്ക് ഇഫ്താറുകൾ മാറിയിട്ടുണ്ട്.

ശരീര ശുദ്ധീകരണത്തിനും രോഗനാശത്തിനുമായാണ് ഉപവാസം അനുഷ്ഠിക്കാന്‍ ആയുർവേദം നിർദ്ദേശിക്കുന്നത്.

*ഒരല്‍പം കരുതലുണ്ടേൽ
റംസാൻ മാസം ആരോഗ്യ ബോണസ് കിട്ടുന്ന
മാസമാക്കാം*

വ്രതാനുഷ്ഠാനത്തിൽ വരുത്താവുന്ന ആരോഗ്യകരമായ ഭക്ഷണ രീതി ഏതൊക്കെയാണെന്ന് നോക്കാം.

*പുലര്‍ച്ചെ*

വണ്ടിയിൽ ഫുൾ ടാങ്ക് പെട്രോൾ നിറക്കുന്ന പോലെ,പുലര്‍ച്ചെ വയറു നിറച്ചു കഴിക്കുന്നത് ഒരു ദിവസത്തേക്കുള്ള
ഊര്‍ജ്ജസംഭരണമാണ് എന്നത് അബദ്ധ ധാരണയാണ്.നാലോ അഞ്ചോ മണിക്കൂര്‍, അതിലധികം ആഹാരം ദഹിക്കാതെ ആമാശയത്തിലിരിക്കില്ല എന്നറിയുക

*പുലർച്ചെ എന്തു കഴിക്കണം*

സൂര്യോദയത്തിനു മുൻപ് ആദ്യ ബാങ്ക് വിളിക്ക് മുന്നേ കഴിക്കേണ്ട ഭക്ഷണം ധാരാളം ജലാംശം നിറഞ്ഞതും ഊർജ്ജദായകവുമായിരിക്കണം. പഴച്ചാറുകള്‍ കഴിക്കേണ്ട ഉത്തമ സമയം ഇതാണ്.
വെള്ളം കൂടുതലുള്ള കഞ്ഞി, ഈന്തപ്പഴം, നേന്ത്രപ്പഴം എന്നിവ ആവശ്യമായ ഗ്ലൂക്കോസ് (glucose)പ്രദാനം ചെയ്യും.

രാവിലെ നല്ല മലശോധന ഉറപ്പു വരുത്തുക വഴി ഉപവാസത്തിന്‍റെ ഗുണങ്ങള്‍ നേടാം. പയറും വീട്ടിൽ ലഭ്യമായ പച്ചക്കറികളും ധാരാളം ഉപയോഗിക്കാം. ചെറുചൂടുവെള്ളം കുടിയ്ക്കാൻ മറക്കരുത്.
എരിവ്, പുളി, മസാലകൾ ഇവ കുറയ്ക്കുക.

*സായാഹ്നം*🌙

*നോമ്പ് മുറിക്കൽ (തുറക്കൽ )*🍵

ദഹനാഗ്നിയെന്ന് ,നാം പൊതുവേ കേട്ടു കാണും ദഹന പ്രക്രിയയെ, തീ കനലിനോട് ഉപമിക്കാം. ഉച്ചനേരം ഒട്ടൊന്ന് ആളിയ ശേഷം കനൽ പോലെ കെടാതെ കിടക്കുന്ന അഗ്നിയെ കരുതി വേണം ആഹാരം പ്ലാൻ ചെയ്യൽ.

അമിതവും, കനമുള്ളതുമായ ആഹാരവും, തണുത്ത വെള്ളവും (Iced )അഗ്നി രക്ഷക്ക് ഉതകുന്നതല്ലെന്നു പറയേണ്ടതില്ലല്ലോ.
കനൽ മാത്രമുള്ള അടുപ്പിലേക്ക് എളുപ്പം കത്തുന്ന കടലാസ്, കരിയിലകൾ എന്നിവയ്ക്ക് പകരം കനമേറിയ വലിയ വിറക് കഷണങ്ങൾ തള്ളി കയറ്റിയാൽ അടുപ്പ് പുകയും.ചിലപ്പോൾ കെട്ടും പോകും. അത് തന്നെയാണ് ഉപവാസകാലത്തെ തെറ്റായ ഭക്ഷണത്താൽ ഗ്യാസ്, പുളിച്ചുതികട്ടൽ മുതലായ പല ദഹനേന്ദ്രിയ രോഗങ്ങളുമുണ്ടാകുന്നത്.

റംസാൻ കാലം കഴിഞ്ഞെത്തുന്ന രോഗികളിൽ കൂടുതലും അസിഡിറ്റിക്കാരാകുന്നത്, ഈ ക്രമം വിട്ട ഭക്ഷണ രീതികൾ കൊണ്ടാണ്.

എളുപ്പം ദഹിക്കുന്ന ദ്രവരൂപത്തിലുള്ള ആഹാരത്തിലാണ് തുടങ്ങേണ്ടത്.
ഇളം ചൂടുവെള്ളത്തിൽ ചെറുനാരങ്ങ നീരും ഗ്ളൂക്കോസും ചേർത്തു കുടിക്കാവുന്നതാണ്. ഈന്തപ്പഴം കഴിച്ചു നോമ്പ് അവസാനിപ്പിക്കുന്നത് ഊർജ്ജദായകമായ glucose ലഭിക്കാൻ ഉത്തമമാണ്.പഴച്ചാറുകള്‍ ശേഷം കഴിക്കാം. പുളിപ്പില്ലാത്ത പഴങ്ങള്‍ തെരഞ്ഞെടുക്കാം.

❌പകല്‍ മുഴുവന്‍ വിശ്രമിച്ച ആമാശയത്തിന്റെ തലയിൽ വൻ ഭാരം കയറ്റി വെക്കലല്ല നോമ്പ് തുറയുടെ ഉദ്ദേശ്യം എന്നതാണ് ആദ്യ ആരോഗ്യ പാഠം...

✅ കൃത്യമായി ചിട്ടയോടു കൂടി ഉപവാസം അവസാനിപ്പിച്ചാല്‍ ( sensible finishing) മാത്രമേ ഉപവാസത്തിന്‍റെ ഗുണം ശരീരത്തിനുണ്ടാകൂ.

❌നോമ്പ് തുറക്കാനായി ബ്രാൻഡഡ് ശീതള പാനീയങ്ങള്‍ ഉപയോഗിക്കുന്ന രീതി കണ്ടു വരുന്നുണ്ട്-ഒഴിവാക്കേണ്ടതാണിത്.
സോഫ്റ്റ് ഡ്രിങ്കുകൾ ശരിക്കും അത്ര സോഫ്റ്റല്ല.

✅ പഴച്ചാറും നാരങ്ങാവെള്ളവും മറ്റു പാനീയങ്ങളും തയ്യാറാക്കുവാൻ തിളപ്പിച്ചാറിയ വെള്ളം തന്നെ ഉപയോഗിക്കണം.

✅ഉണക്കി സൂക്ഷിച്ച പഴങ്ങൾ, nuts എന്നിവ കഴിക്കാം.

ഇത്തവണത്തെ നോമ്പുകാലം, ആയുർവേദത്തിൽ പറയുന്ന ഋതുസന്ധി (ഒരു ഋതുവിൽ നിന്ന് മറ്റൊരു ഋതുവിലേക്കുള്ള പരിവർത്തനം)കാലത്താണ് .പൊതുവിൽ ഈ കാലം രോഗസാധ്യതയുള്ള
കാലവുമാണ്.അതുകൊണ്ടുതന്നെ ഭക്ഷണ രീതികൾക്ക് വ്യത്യാസം വരുത്തേണ്ടതുണ്ട്.

നോമ്പിന്റെ ആദ്യ പകുതി നല്ല ചൂടുകാലത്താണെങ്കിൽ ,അടുത്ത പകുതി നല്ല മഴക്കാലമാണ്.
ആദ്യ പകുതിയിൽ പഴച്ചാറുകൾ നല്ലതാകുമെങ്കിലും അടുത്ത പകുതി വേവിച്ച ധാന്യ സൂപ്പുകളെപ്പോലുള്ളവയാണ് ഗുണം ചെയ്യുക.

🍵 *തരിക്കഞ്ഞി* നല്ല ആരോഗ്യശീലങ്ങളിലൊന്നാണ്. റവ ഉപയോഗിക്കും പോലെ ഗോതമ്പ്, പാല്, അവല്‍, ചെറുപയര്‍, ചെറിയ അരി/ പൊടിയരി തുടങ്ങിയവ ഒരുമിച്ചോ ഒറ്റയ്ക്കോ കഞ്ഞി വച്ച് കഴിക്കാം.

🌾ബാർലി, കൂവപ്പൊടി, കരിക്കിൻ വെള്ളം
എന്നിവയും ഉപയോഗപ്പെടുത്താം.

🍵☕ഇടയ്ക്ക് സൂപ്പുകളും ഉൾപ്പെടുത്താം. വെജ് - നോൺ വെജ് കാറ്റഗറികളിൽ ഏറെ വ്യത്യസ്തതകള്‍ പരീക്ഷിക്കാവുന്ന വിഭവമാണ് *സൂപ്പ്*

പൊടിയരിയും ഇറച്ചി ചെറുതായി മുറിച്ചതും,മല്ലിയും മഞ്ഞളും പച്ചക്കുരുമുളകും ഇഞ്ചിയും വെളുത്തുള്ളിയും ധാരാളം ചേര്‍ത്ത് നോണ്‍ വെജ് സൂപ്പുണ്ടാക്കാം.

*അരിക്കഞ്ഞി / തരിക്കഞ്ഞി*

ജീരകം, ഏലത്തരി, കൊത്തമല്ലി, ആശാളി, ചുക്ക് എന്നിവയിട്ട് നന്നായി വേവിച്ച പൊടി അരി,തരി എന്നിവ തേങ്ങാപ്പാൽ, പാൽ എന്നിവയും മധുരമോ ഉപ്പോ ചേർത്തു ദ്രവ രൂപത്തിൽ കഴിക്കാം. ഉന്മേഷവും ഊർജ്ജവും നല്കുന്നതാണിത്.

*സൂപ്പ്*

മഞ്ഞൾ, കുരുമുളക്, ഇഞ്ചി, പുതിന, കറുവപ്പട്ട മുതലായവ ഇട്ടു സംസ്കരിച്ച മാംസ രസം കഴിക്കാവുന്നതാണ്

*എണ്ണക്കടിക്കോ ഏഴഴക്,പക്ഷെ ആരോഗ്യത്തിനോ?*

നോമ്പ് തുറക്കുമ്പോള്‍ എണ്ണയില്‍ പൊരിച്ച വിഭവങ്ങള്‍ നിര്‍ബന്ധം എന്നതായി പൊതു ട്രെൻഡ്. റോഡരികിൽ പൊരിക്കടികൾ ബോർഡും വച്ച് പൊരിഞ്ഞ കച്ചവടം നടക്കുന്ന മാസം കൂടിയാണിത്.

വഴിവക്കിലെ വറചട്ടികളിൽ
ഒരിക്കൽ ചൂടാക്കിയ എണ്ണ വീണ്ടും ഉപയോഗിക്കുന്നതിന്റെ ദൂഷ്യവശങ്ങൾ
കൂടി അറിയുക.
വറചട്ടിയിൽ നിന്നും രോഗത്തിന്റെ എരിതീയിലേക്ക് വീഴാതിരിക്കുക.

❌പ്രകൃതിയുടെ രുചി ഭേദങ്ങള്‍ മറന്ന് വഴിയരികിലെ പൊടിയാര്‍ക്കുന്ന എണ്ണ വിഭവങ്ങളിലേക്കുള്ള മാറ്റം അനുകരണീയമായതല്ല.
നമ്മുടെ പറമ്പിലും മുറ്റത്തുമുള്ള വിഭവങ്ങളിലേക്ക് കൂടുതൽ ശ്രദ്ധ പതിയണം.
✅ഇലയട, എള്ളുണ്ട, കലത്തപ്പം, കുമ്പിളപ്പം, ചക്കയട, ചക്ക റോള്‍, ഈന്തപ്പം, പത്തിരി നിറച്ചത്, കൊഴുക്കട്ട ഇവയൊക്കെ ആരോഗ്യകരമായ ഇഫ്താർ വിഭവങ്ങളാക്കി മാറണം.

നോമ്പ് തുറ രണ്ടു ഘട്ടങ്ങളിലാക്കുന്ന നല്ല രീതിയുണ്ട്.

ആദ്യം ലഘു ആഹാരങ്ങളും പിന്നെ കനമുള്ളവയും കഴിക്കുന്നത് ചിലയിടങ്ങളില്‍ ഉണ്ട് .
പത്തിരി ഒരു ഉത്തമ വിഭവമാണ്.

❌ഉഴുന്ന് ചേര്‍ത്ത പലഹാരങ്ങള്‍ നോമ്പ് കാലത്ത് ഒട്ടും വേണ്ട.

✅ ഇഡിയപ്പം , അരി ദോശ, ഗോതമ്പ് ദോശ, ചപ്പാത്തി, പുട്ട്, ഊത്തപ്പം, ഇവയെല്ലാം പരീക്ഷിക്കാം.

ഒപ്പം വേവിച്ച പച്ചക്കറി, പ്രോട്ടീൻ ലഭിക്കാനായി മസാല കുറച്ച മാംസം മത്സ്യം ഇവയും,കടല, ചെറുപയർ, വൻപയർ എന്നിവയും കറിയായി ഉപയോഗിക്കാം.

*രാത്രി എന്ത് കഴിക്കണം*🍵☕⁉

കിടക്കും മുമ്പ് ആഹാരം വേണം എന്ന് തോന്നുകയാണെങ്കില്‍ മാത്രം കഴിക്കുക.
കഞ്ഞിയോ കഞ്ഞി വെള്ളം മാത്രമോ ആണ് ഉചിതം.
അൽപം ഇഞ്ചിയും കൂടി ചേർത്താൽ ദഹനം അസ്സലായി.
ആവശ്യത്തിനു വെള്ളം കുടിക്കുന്നുണ്ട് എന്ന് ഉറപ്പ് വരുത്തുക .
ആഹാരത്തിനും ഉറക്കത്തിനും ഇടയില്‍ മൂന്നു മണിക്കൂറെങ്കിലും കണ്ടെത്തണം.

❇സ്ഥിരമായി കഴിക്കേണ്ട മരുന്നുകൾ നിർത്തേണ്ടുന്ന കാലമല്ല നോമ്പുകാലം - *കഴിക്കുന്ന സമയങ്ങളിൽ വരുത്തേണ്ടുന്ന മാറ്റം നിങ്ങളുടെ ഡോക്ടറിൽ നിന്ന് തന്നെ ചോദിച്ചു മനസിലാക്കുക* ( മരുന്ന് വാങ്ങിക്കുന്ന കടകളിൽ ചോദിച്ചാൽ പോരാ )

ഒരു കാര്യം പ്രത്യേകം ശ്രദ്ധിക്കുക – ആഹാരം ക്രമീരിക്കാനും അത് വഴി അമിത വണ്ണം, ദഹന പ്രശ്നങ്ങള്‍, ഗ്യാസ് ട്രബിള്‍ എന്നിവയെല്ലാം പരിഹരിക്കാനും പ്രമേഹം കൊളസ്ട്രോള്‍ തുടങ്ങിയവയൊക്കെ നിയന്ത്രണ വിധേയമാക്കാനുമെല്ലാം പറ്റുന്ന നല്ല സമയമാണിത്.

സ്ഥിരമായി ചെയ്യുന്ന വ്യായാമങ്ങള്‍ നിര്‍ത്തി വയ്ക്കുകയോ തുടര്‍ന്ന് വന്ന നല്ല ആഹാര ശീലങ്ങള്‍ ഉപേക്ഷിക്കുകയോ അരുത്.

*വ്യായാമങ്ങള്‍ അല്പം ലഘൂകരിക്കാം*.
പക്ഷെ മുടക്കം വരുത്തരുത്. ഇഫ്ത്താറിന് ശേഷം അരമണിക്കൂർ നടത്തം ആവാം.

❌ബേക്കറി ഉത്പന്നങ്ങൾ, മൈദ, സോഫ്റ്റ്‌ ഡ്രിങ്ക്സ്, ഫാസ്റ്റ് ഫുഡ്‌, എണ്ണയിൽ മുക്കി പൊരിച്ചവ, മസാല അധികം ഉള്ളവ എന്നിവ ആരോഗ്യരക്ഷയെ കരുതി ഒഴിവാക്കുക.

*സഹജീവനം*

🌨ഇത്തവണ വ്രതാനുഷ്ഠാന കാലത്ത് തന്നെയാണ് പരിസര ശുചിത്വത്തിന്റെ ശ്രദ്ധ കൂടുതൽ വേണ്ടുന്ന കാലവർഷം തുടങ്ങുന്നത്. കടകളിൽ നിന്ന് കൂടുതൽ ഉൽപ്പന്നങ്ങൾ വാങ്ങുന്ന കാലമായതിനാൽ, വീട്ടിലേക്ക് കൂടുതൽ പ്ലാസ്റ്റിക് എത്തുവാനും ഇടയാകുന്നുണ്ട്. അവ അലക്ഷ്യമായി മണ്ണിലേക്ക് വലിച്ചെറിയാതിരിക്കുക. പുറത്തിറങ്ങുമ്പോൾ രണ്ട് മൂന്ന് തരം സഞ്ചികൾ കൈവശം വയ്ക്കുക.

നമ്മുടെ ഏതു പ്രവർത്തിയും ഭൂമിയിലെ മറ്റു ജീവജാലങ്ങളോട് കരുണ യുള്ളതായിരിക്കണമെന്ന് ആയുർവേദവും അനുശാസിക്കുന്നു. മണ്ണ് പ്ലാസ്റ്റിക്കിനാൽ നിറയുന്നതിനാൽ ഒരു പാട് ജീവജാലങ്ങൾ കഷ്ടതയനുഭവിക്കുന്നുണ്ട്.

വ്രതത്തിലെ ആത്മ, മന:സ്വസ്ഥത.

കൂടാതെ സർവോപരിയായി നോമ്പ് കാലത്തുള്ള പ്രാർത്ഥനയും,🙏 പാരായണവും, ഭക്തി നിർഭരമായ മറ്റു അനുഷ്ടാനങ്ങളും ആത്മ, മനസ്സുകളുടെ സുസ്ഥിതിക്കും, മിഥ്യഅയോഗതിയോഗങ്ങളിലാത്ത ഇന്ദ്രിയ സമയോഗത്തിനും ഉത്തമമായി ഉതകുന്നു.

ഇതൊക്കെയറിഞ്ഞിട്ടും ഇഫ്ത്താർ തീൻമേശകളിലെ കെട്ടുകാഴ്ചകളിൽ നമ്മൾ കുറവു വരുത്താതെന്തു കൊണ്ടാകും.

മിതവും ആരോഗ്യകരവുമായ ഭക്ഷണം കൊണ്ട് അതിഥിയെ സൽക്കരിച്ചാൽ നമ്മൾ മോശക്കാരാകുമോ ?

എല്ലാ ആഡംബരങ്ങൾക്കും അപ്പുറത്താണ് ആത്മീയ ഉന്നതിയെന്ന് തിരിച്ചറിയുമ്പോഴല്ലേ, വ്രതം വിജയിക്കുന്നത്.
ഈ Lock down കാലം മിതത്വമുള്ള ഇഫ്താറുകൾക്ക് തുടക്കം കുറിക്കട്ടെ.
പ്രമേഹം, രക്താതിമർദ്ദം, വൃക്ക രോഗങ്ങൾ മുതലായ വിവിധ രോഗങ്ങൾ ഉള്ളവർ
കൃത്യമായി ഡോക്ടറുടെ നിർദ്ദേശങ്ങൾ പാലിക്കണം.ശരീര ബലമനുസരിച്ചും കാലത്തിനനുസരിച്ചും വ്രതകാലത്തെ ആഹാര രീതികൾ ചിട്ടപ്പെടുത്തണം.

വ്രത വിശുദ്ധിയുടെ
മുപ്പതു നാളുകൾ പിന്നിട്ട്,
പെരുത്ത് നന്മകളുടെ, ആരോഗ്യത്തിന്റെ
ഒരു പെരുന്നാൾ കാലത്തേക്കെത്താം

Team Info @

Info Drs AyurvedaFB page
Cover Page Design Nisar Muhammed

Tips of Koode നെറുകില് തിരുമ്മുന്ന പൊടി

Tips of Koode

*നെറുകില് തിരുമ്മുന്ന പൊടി*

ചിലർക്കെങ്കിലും *ആയുർവേദ ചികിത്സാ* ലോകവുമായുIള്ള ആത്മബന്ധം വന്നത്

ആ *രാസ്നാദി പൊടി* വഴിയാണ്.

കുളി കഴിഞ്ഞാൽ

വിയർത്ത് വന്നാൽ,

മഴ നനഞ്ഞ് വന്നാൽ

അങ്ങനെ പലയിടത്തും ആ ഗന്ധമങ്ങനെ

പ്രതിരോധ മതിലായി നിൽക്കും.

*തല കുളിക്കുന്നത് രാവിലെത്തന്നെ വേണം*

രാവിലത്തെ കുളി *രക്ഷക്കുളി*,

*അന്തിക്കുളി* ചന്തക്കുളിയെന്നും നാട്ടുമൊഴിയുണ്ട്'

*വീട്ടമ്മമാർ* ഉച്ചയോടെ കുളിക്കുന്നതും തലമുടി നനഞ്ഞ രീതിയിൽ കെട്ടി വക്കുന്നതും കാണാം.

*ഇത് വിട്ടുമാറാത്ത തലനീരിറക്കത്തിനും കഴുത്തുവേദനക്കും കാരണമാകുന്നുണ്ട്*

ചിലർ തലയിലെണ്ണ തേച്ച് അതൊന്ന് 'പിടിയ്ക്കാൻ ' വേണ്ടി മണിക്കൂറുകൾ കാത്തിരിക്കും, കുളിയ്ക്കാൻ '

*ആയുർവേദത്തിൽ നിദാന പരിവർജനം എന്നത് ഒരു ചികിത്സയാണ്*

നിദാനമെന്നാൽ കാരണം

നിദാന പരിവർജനമെന്നാൽ കാരണം ഒഴിവാക്കൽ.

*നേരം തെറ്റിയുള്ള തല കുളി* എന്ന കാരണം *മാത്രം ഒഴിവാക്കിയാൽ* *മാറുന്ന എത്രയോ രോഗലക്ഷണങ്ങളുണ്ട്.*

വാഴ നനയുമ്പോൾ ചുറ്റുമുള്ള ചീര കൂടി

നനയുന്നുവെന്ന ഒരു പ്രയോഗമുണ്ട്

നാം നനയുന്ന

കുളിമുറിയിലെ വെള്ളമൊഴുകിച്ചെന്ന്, വാഴയോ തെങ്ങോ കൂടി വളരുന്ന   കാലമുണ്ടായിരുന്നു

പുതുവീടുകളിലെ പുതുമോടികളിൽ

അതും മലിനജലം ടാങ്കിലേക്കൊഴുകി

ഉപകാരപ്പെടാതെ പോകുന്നു.ജലദൗർലഭ്യത്തിൻ്റെയീ ലോക്ക് ഡൗൺ

വേനൽ നമ്മുടെ ജീവിത ശൈലികളിൽ

നിന്ന് ചില റിവേഴ്സുകൾ കൂടി ഓർമ്മപ്പെടുത്തുന്നുണ്ട് 

Koode Foodcine - 27-4-2020

AMAI ISM  VPSV AVC GARIM Malappuram

PM highlights Ayurveda and Yoga for Health

Now is the time to remember our traditional practices and customs like Ayurveda Lifestyle and Yoga.

കൂടെയുണ്ട്...

പ്രവാസികളിൽ നല്ലൊരു ശതമാനവും തീർത്തും അശരണരാണ്...
ഏതാനും കോവിഡു രോഗികളെ ഗൃഹവൈദ്യം കൊണ്ടും, ആയുർവ്വേദം കൊണ്ടും ചികിത്സിച്ചു കൊണ്ടിരിക്കുകയാണ് ....
1. ജോലിതട്ടിപ്പിൻ്റെ ഇരകളായി അനധികൃതരായ ഒട്ടേറെപ്പേർ
2. 5 മുതൽ 10 പേർ വരെ ഒരു റൂമിൽ കഴിയേണ്ടി വരുന്ന ലേബർ കാമ്പുകൾ
3. താങ്ങാനാവാത്ത ചികിത്സാ ചിലവ്
4. ആശുപത്രികൾ സുരക്ഷിതമല്ലാത്ത അവസ്ഥ
5. കൂട്ടത്തിൽ, ഒരാൾക്ക് രോഗം വന്നാൽ മറ്റുള്ളവരുടെ നിസ്സഹായാവസ്ഥയും, മാനസിക പിരിമുറുക്കവും, മനുഷ്യത്വ രഹിതമായ പെരുമാറ്റങ്ങളും...
അത്തരം സന്ദർഭങ്ങളുണ്ടെങ്കിൽ വിളിക്കാനോ, വാട്ട്സ്ആപ്പ് ചെയ്ത് സഹായം ചോദിക്കാനോ മടി കാണിക്കണ്ട എന്നു പറയാനാണീ മെസ്സേജ്...'
....................................................
ഡോ.ദിനേഷ് കെ.എസ്.
പ്രൊഫസർ
ആയുർവ്വേദ കോളേജ്, കോട്ടക്കൽ
+91 9447698085
drayurksd@gmail.com
www.ethicalayurveda.com

Indigenous culture and practices is the only solution for your Future Health and Prosperity

 

 തലമുറകളായി കൈമാറി വന്ന ആരോഗ്യ ശീലങ്ങളാണ് ആയുർവേദം -ഹിതമായതും മിതമായ ഭക്ഷണം,  യോഗ, പ്രകൃതിയുമായി ചേർന്ന ജീവിതചര്യകൾ

Dinacarya - the daily regimen

1. Brahme muhurtham ( Waking up 3-5am)

2. Release of Urine and  Bowel contents.

3. Brushing teeth and scrapping the tongue

4. Anjanam - applying Kajal to the eye

5. Nasyam- instilling nasal drops 

6. Gandusham-  gargling medicine in mouth

7. Dhoompanam - fumigation

8. Abhyangam - applying oil 

9. Vyayamam- Exercise - Yoga

10. Udwarthanam - removing the excess oil 

11. Snana - bath

12. Food- seasonal and local food cuisines

13. Studying/ Work / Duties

14. Prayer / affirmations/ Meditation

15. Social service

16. Sleep ( @ 9-10 pm)

NB: Depending on the person, climate and place there might be slight variations to the regimen. Kindly consult an Ayurveda practitioner for details.

Ayurveda in pictures

ആരോഗ്യമന്ത്രിയുടെ വാക്കുകൾ....

https://www.facebook.com/1616936671958248/posts/2632441787074393/?extid=xQdZPgRzW9Y5EXI6&d=null&vh=e

Boost immune system to fight corona: Prof Hegde

Wednesday, 01 April 2020 | Kumar Chellappan | KOCHI

• SHARE

 
• 
 
• 
 
• 

• TT
 
• TT
 
• 
 
• 

• 5
  
 
• 

While the whole world is worried over the havoc being caused by COVID 19 virus and the disease by name corona, there is an Indian medical doctor who had prophesied about this disease way back in 2006. Prof B M Hegde, a leading cardiologist and former chancellor of Manipal University had written that a disease like this would strike the world with vengeance and claim millions of lives.

Prof Hegde had warned about this medical phenomenon in his path-breaking book “What Doctors Don’t Get to Study in Medical School” which he authored in 2006 and was published with a foreword by Rustum Roy, renowned scientist. 

 Speaking to The Pioneer over telephone from Mangalore on Tuesday, Prof Hegde pointed out that the world is yet to find out a cure for influenza (the common cold) and the solution lies in the Indian system of knowledge.  “The best solution to fight corona is to strengthen our immune system. Our immune system will  function at its best when we are happy. Fear weakens the immune system. Ignorance is the root cause of fear. So let us not worry about this enigma ,” he said.

He wrote in the 2006 book that the variants of influenza have symptoms of runny nose, headache of varying severity, body aches and pains, high fever, with or without pneumonia presenting as cough and breathlessness with scanty sputum. “In severe cases signs of respiratory failure set in rapidly and might end up with bleeding and disseminated intravascular coagulation and multi-organ failure. Bleeding is more common in those with gastric type of flu. Those who present with gastric flu will have severe loss of appetite, diarrhea, vomiting and even bleeding per rectum and occasionally hematemesis,” wrote Prof Hegde. (Page 387) 

Dr B  Madhu, one of the leading physicians in Kerala, said that these are the true symptoms of Corona virus infected persons. But what shocked even a seasoned physician like Dr Madhu was the prophesy made by Prof Hegde in the next paragraphs in which he has given an account of his encounter with the 1968 influenza pandemic in Britain. “In the last 400 years , there were 12 pandemics, roughly three per century. We had three in the last century. Spanish flu  of 1918where there were a total of 640 million clinical attacks, 50 per cent of the then population of 1.2 billion with 12.5 per cent case fatality ratio with 80 million dead,” wrote Prof Hegde. Comparing the present (2006) with the previous pandemics caused by different variants, he had warned that if the past trends persist in 2006, ‘we should expect total deaths of 2-3 billion what with the population now at 6.6 billion’. But what he wrote next has shaken the world now. In 2006 itself he had scientifically prophesized that the next pandemic could throw all our systems out of gear. “The worst would be that all our hospitals , put together will not be able to cater to even 10 per cent of patients. This virus spreads even without contact with patients. Their coughing into the air will disseminate the virus in the atmosphere. Touching a patient, his clothes, or even shaking hands and staying in the vicinity could all spread the disease. Door knobs and counter tops can harbor the virus for days. Medical care workers are  at great risk, Crowding and slum swelling could increase the incidence and case fatality. Society will have to take the responsibility of looking after the sick in the eventuality of hospitals getting clogged,” wrote Prof Hegde.

Almost 15 years later, Prof Hegde is cynical about the search for a vaccine by medical researchers. “They toiled hard from 1949 to 1999 in the Cold Research Laboratory in London for a vaccine to counter our common cold and spent billions of pound sterling. Their biggest contribution was that they told the world that they couldn’t find out a medicine for common cold and hence they were winding up the research. But they told the world that the Indian wisdom of eating spices when you have cold is the best result that can happen.

A research by Harvard Medical school has shown that fresh ginger, garlic, pepper, onion and a combination of honey are the most anti-viral agent known to mankind,” said Prof Hegde while speaking about the   claims and counter claims by corona researchers

Dr Madhu is of the view that the findings by Prof Hegde is the result of  a kind of sixth sense developed by one’s deep insight into the world of medical science.

https://www.dailypioneer.com/2020/india/boost-immune-system-to-fight-corona--prof-hegde.html

Tips of Koode - Withdrawal

Tips of Koode

*Withdrawal !*
കഴിക്കുന്നത് നിർത്തുമ്പോഴോ അളവ് കുറക്കുമ്പോഴോ ഉണ്ടാക്കുന്നലക്ഷണങ്ങളാണ് *മദ്യത്തിൻ്റെ വിത്ത് ഡ്രോവൽ പ്രശ്നങ്ങൾ*.

*സ്ഥിര മദ്യപാനികൾ*,
*കൃത്യമായി ലഘു ഭക്ഷണങ്ങൾ കഴിക്കുന്നുണ്ടെന്ന്*
ഇക്കാലത്ത് *ഉറപ്പു വരുത്തണം*:( വിശപ്പൊന്നും കാണില്ല)
*കഞ്ഞി പോലെ ജലാംശമേറിയ ഭക്ഷണങ്ങൾ കഴിക്കണം*
*നറുനീണ്ടി, മല്ലി ചേർത്ത് തിളപ്പിച്ച  വെള്ളം ധാരാളം  കുടിക്കുക*
ഈത്തപ്പഴം, മുന്തിരി ജ്യൂസ്,കക്കരി ജ്യൂസ്, കരിക്കിൻ വെള്ളം, കുമ്പളങ്ങ,വെള്ളരി,മോര് കറി,രസം എന്നിവ കഴിക്കുക
*സംഭാരം ഇടക്കിടെ കുടിക്കുക*
*കൂവളത്തില മോരിലരച്ച് കഴിക്കുക*
ശരിയായ രീതിയിലുള്ള വിശ്രമവുംഉറപ്പുവരുത്തണം

*''എന്തൊരു കരുതലാണീ മനുഷ്യർക്ക്''*
എന്ന് ഓരോ മദ്യപനും, മനസ്സിൽ തോന്നത്തക്ക വിധത്തിലുള്ള പെരുമാറ്റമാണ് ഇക്കാലത്ത് വീട്ടുകാരിൽ നിന്നുണ്ടാകേണ്ടത്

*കോവിഡ് മൂലം മരിച്ചവരേക്കാൾ*,
*മദ്യം കിട്ടാതെ*
*ആത്മഹത്യ* *ചെയ്തവരാണ്* *കേരളത്തിൽ കൂടുതൽ*
ഇക്കാലമത്രയും മദ്യമില്ലാതെ പിടിച്ചു നിന്നവർക്ക്, ചിലപ്പോൾ അതൊഴിവാക്കാനും കഴിഞ്ഞേക്കാം.

*ആയുർവേദത്തിൻ്റെ* ഭാഗത്ത് നിന്ന് ഒറ്റ കാര്യം
*ഓർമ്മപ്പെടുത്തുന്നു*

*അരിഷ്ടം; അസുഖങ്ങൾക്കുള്ള മരുന്ന് മാത്രമാണ്*
*മദ്യത്തിൻ്റെ പകരക്കാരനായി കണക്കാക്കരുത്*

മറ്റു ബുദ്ധിമുട്ടുകൾക്ക് അംഗീകൃത ആയുർവേദ ഡോക്ടർ മാരെ സമീപിച്ചാൽ ഔഷധങ്ങൾ ലഭ്യമാണ്.
Koode - Foodcine 21-4-20
AMAI-ISM - VPSV AVC - GARIM
Malappuram

Tips of Koode ചെറുപയർ

Tips of Koode

*ചൂടു കഞ്ഞിയും*, അതിന് മേലൊഴിക്കുന്ന
*ചെറുപയറും*, അത് വാങ്ങാനുള്ള തിക്കി തിരക്കും, സ്കൂളോർമ്മകളിലെ സുഗന്ധമാണ്.

എന്തുകൊണ്ടായിരിക്കും, അതിനൊക്കെ
ഈ *ചെറുപയർ* തന്നെ തെരഞ്ഞെടുത്തത്.

പയർവർഗങ്ങളിലെ ഏറ്റവും ഉത്തമവും നിത്യവും കഴിക്കാവുന്നതുമായ ധാന്യമായാണ് ആയുർവേദം ശിംബിവർഗത്തിൽ പറയുന്ന
*ചെറുപയർ*
*ചെറുതെങ്കിലും* ഈ പയറിന്
*3  വലിയ ഗുണങ്ങളുണ്ട്*
 *കുറഞ്ഞ കൊഴുപ്പ്, ഉയർന്ന പ്രോട്ടീൻ, ധാരാളം നാരുകൾ.*
അതിനാൽ തന്നെ മേദസ്സുള്ളവരിൽ
ഗുണം ചെയ്യും.
*എളുപ്പം ദഹിക്കുന്ന പ്രോട്ടീനുകളുടെ കലവറയുമാണിത്*.

ഇതിലെ Anti oxidantകൾ *ഹൃദയത്തിന്റെയും*
 Zinc *ത്വകിന്റെയും* *നേത്രത്തിന്റയും*
 Phosphorus *എല്ലിൻ്റെയും* ആരോഗ്യത്തിന് .
സഹായിക്കും.ചെറുപയർ ഉപയോഗിച്ചുണ്ടാക്കുന്ന മുദ്ഗയൂഷം ആയുർവേദ ചികിത്സയിലെ പ്രധാനിയാണ്. ചെറുപയറാദി
കഷായം പോലുള്ള കേരളീയ പ്രയോഗങ്ങൾ രോഗപ്രതിരോധത്തിനും നന്ന്.

*സദ്യ തുടങ്ങുന്നത് തന്നെ*
*ചെറുപയർ  പരിപ്പും നെയ്യും ഉപ്പിലുമാണ്*.
കഴിക്കാനുള്ളതു മാത്രമല്ല; ചെറുപയർ
*ദേഹത്ത് ലേപനത്തിനും ധാരയ്ക്കും കുളിക്കാനുമൊക്കെയായി*
ചെറുപയറുപൊടിയെ ആയുർവേദം ഉപയോഗപ്പെടുത്തുന്നുണ്ട്
Tissue paper ൽ ചെറുപയർ മുളപ്പിച്ച് കറിക്കുപയോഗിക്കുന്നത്, ലോക്ക് ഡൗൺ
കാല ട്രെൻഡായും മാറിക്കഴിഞ്ഞു.

Koode Foodcine 19- 4 - 2020
AMAI-ISM - VPSV AVC - GARIM
Malappuram

Tips of Koode -വ്യായാമം

Tips of Koode

നിന്ന് തിരിയാൻ നേരമില്ല,പിന്നല്ലേ വ്യായാമം !!

വീട്ടിൽ എല്ലാ പണിയും ഞാനൊറ്റക്കാ. ഇനി വേറെന്തു വ്യായാമം. !!

സ്ഥിരം പല്ലവികൾ നമുക്കൊന്ന് മാറ്റിപ്പിടിച്ചാലോ...?

*നിത്യവും രാവിലെ അല്പം വ്യായാമം ചെയ്യാം.*...
 *ആയുർവേദ പ്രകാരം അർദ്ധശക്തിയിൽ മതി.*
*നെറ്റിയിൽ വിയർപ്പ് പൊടിയും വരെ, ശരീരത്തിന്  കിതപ്പ് വരും വരെ മാത്രം.*

*അമിതമായി വ്യായാമം വേണ്ട. ശരീരത്തെ ക്ഷീണിപ്പിക്കും*.

വ്യായാമം കഴിഞ്ഞാൽ വിയർപ്പാറിയ ശേഷം കുളിച്ച് ഭക്ഷണം കഴിക്കണം.

 ശരീരത്തിന് ആയാസം നൽകുന്ന എല്ലാ പ്രവർത്തികളും വ്യായാമം ആണ്.ജിമ്മുകളിൽ പോയി തന്നെ ചെയ്യണമെന്നില്ല.
*കൈ വീശി വേഗത്തിൽ നടക്കുന്നതും, സൈക്ലിംഗ്, നീന്തുന്നതും, കളികളിൽ ഏർപ്പെടുന്നതും, യോഗ, സ്ട്രച്ചിംഗ് എക്സർസൈസ്* എന്നിവ വ്യായാമത്തിൽപ്പെടും.

 വീട്ടമ്മമാർ വീട്ടുജോലികൾക്കിടയിൽ ആരോഗ്യ സംരക്ഷണത്തിനായി ഒരൽപ്പം സമയം വ്യായാമത്തിന് മാറ്റി വക്കണം.

രോഗികൾ വൈദ്യനിർദേശപ്രകാരം അനുയോജ്യമായ വ്യായാമം തിരഞ്ഞെടുക്കാവുന്നതാണ്.

 വ്യായാമത്തിലൂടെ *ശരീരത്തിന് ലാഘവം, ഉറപ്പ്,സന്തോഷം, വിശപ്പ്, ഊർജ്വസ്വലത, രാത്രി നല്ല ഉറക്കം* മുതലായവ ലഭിക്കുന്നതാണ്.

*അമിതവണ്ണം, കൊളസ്ട്രോൾ,ഹൃദ്രോഗം പ്രമേഹം ,കരൾ രോഗങ്ങൾ, മാനസിക സംഘർഷങ്ങൾ തുടങ്ങിയവയുടെ സാധ്യതയും കുറക്കുന്നു.*

"നിത്യാഭ്യാസി ആനയെ എടുക്കും" 
*വ്യായാമം  നിത്യവും ചെയ്യണം. ഒഴിവു സമയങ്ങളിൽ മാത്രം ചെയ്യേണ്ട സമയംകൊല്ലി അല്ല.*

17.04.2020
Koode Foodcine
AMAI -ISM- VPSV AVC- GARIM- KASE Malappuram

Tips of Foodcine - ഉറക്കം

Tips of Foodcine ഉറക്കം

*രാവിലെ ഉറക്കത്തിൽ* നിന്നെഴുന്നേൽപ്പിക്കുന്ന
*ALARM ലോക്ക് ഡൗൺ* കാലത്ത്
*ആരും മൈൻഡ് ചെയ്യാത്ത ഒന്നായി മാറി*

*എപ്പോൾ എഴുന്നേറ്റാലെന്ത് ...?*
*എപ്പോൾ ഉറങ്ങിയാലെന്ത്.... ?*

എന്ന നിലയിലാണ് ലോക്ക് ഡൗൺ ശീലം
രൂപപ്പെട്ടിരിക്കുന്നത്.

സ്ഥിരമായി *രാത്രി വൈകിയുറങ്ങുന്നതും*, പകരം *ഉച്ചയുറക്കത്തിൽ* മുഴുകുന്നതും,
ശാരീരിക അസ്വസ്ഥതകൾക്ക് കാരണമാകുന്നുണ്ട്.
*പ്രമേഹവും,പൊണ്ണത്തടി* യുമൊക്കെ,
*പകലുറക്കത്താൽ വർദ്ധിക്കുകയേയുള്ളൂ*

*ആകെയൊരു മന്ദപ്പ്*
*ദഹനമൊന്നും ശരിയാവ്ണില്ല...* എന്നിങ്ങനെ ഇങ്ങനെയുള്ളവരിലുണ്ടാകുന്ന തോന്നലുകളൊക്കെ ശ്രദ്ധിക്കേണ്ടുന്ന ലക്ഷണങ്ങളാണ്..
മുമ്പൊക്കെ കുട്ടികളായിരുന്നു, വീട്ടിൽ ആദ്യമുറങ്ങിയിരുന്നവർ. അണുകുടുംബങ്ങളിൽ
സ്ഥിതി മാറി.

കയ്യും കാലും വളരണ്ടേ., വാവുറങ്ങ്... എന്നൊക്കെയുള്ള ഉറക്കുപാട്ടുകളോർമ്മയുണ്ടാകും. *ശരിയായ ഉറക്കത്തെ* ,
*ശരീരത്തെ നില നിർത്തുന്ന മൂന്ന് തൂണുകളിലൊന്നായാണ്* 
*ആയുർവേദം കാണുന്നത്*

ഈ ചൂടുകാലത്ത് ചിലർക്ക് പകലുറക്കത്തിൽ
ഇളവുകൾ മുമ്പേ തന്നെ അനുവദിച്ചിട്ടുണ്ട്.
ബാലന്മാർ,വൃദ്ധർ, ഗർഭിണികൾ  എന്നിവരാണവർ

*എരുമപ്പാല്* ,ഉറക്കം ഉണ്ടാക്കുന്ന ആഹാരങ്ങളിലൊന്നാണ്. *ഇരട്ടി മധുരവും* *ജീരകവും*
*കദളിപ്പഴവും* ചേർത്ത് കഴിക്കുന്നതും ഉറക്കം
കിട്ടാത്തവർക്ക് ഗുണം ചെയ്യും . *കാൽവെള്ളയിൽ* *വെണ്ണയോ എണ്ണയോ* പുരട്ടാം.

*ഇനി മുതൽ നേരത്തിന് ഉറങ്ങാം*
*നേരത്തെ എഴുന്നേൽക്കാം....* 


Koode Foodcine 16-4-20
AMAI-ISM - VPSV AVC -GARIM - Malappuram

Tips of Koode -വേനൽക്കാലത്തെ പാനകങ്ങൾ....*

Tips of Koode.

*വേനൽക്കാലത്തെ പാനകങ്ങൾ....*

*"പാനീയം പ്രാണിനാം പ്രാണാ: ....*

ശരീരത്തിന്റെ ദൈനംദിന പ്രവർത്തനങ്ങൾക്ക് ജലം അത്യാവശ്യമാണ്.

ദിവസവും  3 -4 ലിറ്റർ വെള്ളമെങ്കിലും  കുടിക്കണം.  ശരീരത്തിൽ ജലാംശം കുറഞ്ഞാൽ ക്ഷീണം,ദാഹം,തലകറക്കം,തലവേദന, ത്വക്കിൽ വരൾച്ച, തുടങ്ങിയ ലക്ഷണങ്ങൾ ഉണ്ടാകാം.

ചുക്കും മല്ലിയും ചേർത്ത് തിളപ്പിച്ച വെള്ളം
 ഇടക്കിടക്ക് കുടിക്കുന്നതും നന്ന്

വേനൽ ചൂടിൽ
നറുനീണ്ടി, ശതാവരി, മല്ലി, രാമച്ചം,പതിമുഖം,കരിങ്ങാലി തുടങ്ങിയവ വെള്ളം തിളപ്പിച്ച് മൺകലം /
കൂജയിൽ വച്ച്  കുടിക്കാം

പൊട്ടുവെള്ളരി/കക്കരിക്ക തേങ്ങ ചിരകിയതും ശർക്കരയും ചേർത്ത് കഴിക്കാം.

തണ്ണിമത്തൻ / വത്തക്ക /  ജൂസ് നല്ല മധുരമാണ്

 സംഭാരം ഇടക്ക് കുടിക്കാം. ദഹനപ്രശ്നങ്ങൾ, കൊളസ്ടോൾ, അർശസ് എന്നിവക്കാശ്വാസപ്രദം സൂര്യാഘാതത്തിനെതിരെ പ്രതിരോധം നേടാം.

കരിക്കിൻ വെള്ളത്തിൽ ഏലത്തരി ചേർത്ത് കഴിക്കാം

ദ്രാക്ഷാദി/ ഗുളൂച്യാദി ചൂർണ്ണങ്ങൾ പാനകമാക്കി കുടിക്കുന്നതും ഫലപ്രദമാണ്

15.04.2020.
Koode Foodcine
AMAI - ISM -VPSV AVC - GARIM - KASE
Malappuram

The human body is a country ruled by a  coalition government ( organ systems).
The coalition consists of big and small parties ( organs) with diverse ideologies and activities.
Their coordinated performance is essential for the welfare of the state.
Each one of them contributes to one or more vital functions of the state.
But none of them can act in isolation without upsetting the applecart.

If someone is given more strength (target specific) than what it deserves, it can turn malevolent.

To strengthen the administration, in the event of an external threat, the whole government ought to be strengthened ( Immunity or general health through proper food/herbs,  Thoughts ,Yoga, Rest, Environment and Habits), not one or the other in the coalition.
The enemy ( virus) is swift in combat and production of soldiers is at the doorstep.
Rapid action to fortify the door is the only way to avert an attack. 

Wish Chyavana, Agastya and Indu ( Chyavanaprasa, Agastya Rasayana, Indukantham Kashayam/Grthm) could do it .

This is why you shouldn't FEAR???

Have a SMILE ....
https://youtu.be/nkQqxkf6heA

ആയുർവേദ മരുന്നുകളും രോഗ്രപ്രതിരോധ ശക്തിയും

ഇമ്മ്യൂണിറ്റിയും  അനാവശ്യ  വിവാദങ്ങളും
---------------------

---------------------കേശവന്റെ
മരുമകൻ(ൾ ) എന്ന് സ്വയം വിശേഷിപ്പിച്ചു ആയുർവേദത്തെ ലക്‌ഷ്യം വെച്ചുകൊണ്ട് fb യിലും WhatsApp ലും പോസ്റ്റ് ചെയ്ത ചില ആരോപണങ്ങൾ ആണ് ഈ കുറിപ്പിന് ആധാരം. പ്രധാന ആരോപണങ്ങൾ താഴെ പറയുന്നവ ആണ് :

(1) പ്രതിരോധ ശേഷിയിൽ മാറ്റം (കൂട്ടാനോ കുറക്കാനോ ) വരുത്താൻ സാധ്യമല്ല , അത്തരം അവകാശവാദങ്ങൾ തട്ടിപ്പാണ് .

(2) പകർച്ച വ്യാധികളെ നേരിടുന്നതിന് നേതൃത്വം കൊടുക്കേണ്ടവർ ( പോളിസി മേക്കേഴ്‌സ് ) അന്ധവിശ്വാസങ്ങൾക്കു അടിപ്പെടുന്നു .

രണ്ടു ആരോപണങ്ങളും അർഹിക്കുന്ന അവഗണനയോടെ തള്ളിക്കളയാം എങ്കിലും ഇതര വൈദ്യ ശാസ്ത്രം കൈകാര്യം ചെയ്യുന്ന ഒരൂ വ്യക്തി എന്ന നിലയിൽ ചില കാര്യങ്ങൾ വ്യക്തമാക്കുന്നു.

അത്യന്തം സങ്കീർണമായ ശരീരത്തിന്റെ വിവിധങ്ങളായ പ്രതിരോധ വ്യവസ്ഥകളെ സംബന്ധിച്ച്   MBBS , BAMS , BHMS എന്നീ വിവിധ വൈദ്യ ശാസ്ത്രങ്ങളുടെ സിലബസിൽ പഠിക്കുന്നത് ആധുനിക കാഴ്ചപ്പാടും അതിനെ അടിസ്ഥാനപ്പെടുത്തിയുള്ള അതാതു ചികിത്സാ രീതികളും ആണ് . ഇമ്മ്യൂണിറ്റിയുടെ പ്രവർത്തനത്തിലെ സങ്കീർണതയെയും അതുണ്ടാക്കുന്ന പ്രതിരോധത്തെയും ഓട്ടോ ഇമ്മ്യൂൺ രോഗങ്ങളെയും പഠിച്ചിട്ടാണ് പ്രതിരോധ ശേഷി വർധിപ്പിക്കാനുള്ള മാർഗങ്ങളെ പറ്റി ഇതര വൈദ്യശാസ്ത്രങ്ങൾ സംസാരിക്കുന്നത് .
മേൽ സൂചിപ്പിച്ച പരാമർശങ്ങൾ സമൂഹത്തിൽ ആശയക്കുഴപ്പം സൃഷ്ടിക്കുന്നത് ഒഴിവാക്കേണ്ടതുണ്ട്.  ഇതര വൈദ്യശാസ്ത്ര ശാഖകളോടുള്ള  അസഹിഷ്ണുത മാത്രമാണ്  ഇത്തരം പോസ്റ്റുകൾക്ക് പിന്നിൽ.  അതിനാൽ  മുകളിൽ കൊടുത്ത നിഗമനങ്ങളെ ഒന്ന് പരിശോധിക്കാം .

💥 ഇമ്മ്യൂണിറ്റി യിൽ MHC  യുടെ  പങ്ക് എന്താണ് ?

MAJOR HISTOCOMPATABILITY എന്ന glycoprotein ഘടകത്തെ ആണ് ചുരുക്കത്തിൽ MHC എന്ന് വിളിക്കുന്നത്. MHC 1 എന്ന വിഭാഗത്തിലുള്ളവ എല്ലാ ശരീര കോശങ്ങളിലും ഉണ്ട് . ഇതാണ് ശരീര ഭാഗങ്ങളെയും അല്ലാത്തവയെയും വേർതിരിച്ചു ശരീരത്തിന് മനസ്സിലാക്കി കൊടുക്കുന്നത് . MHC 2 വിഭാഗത്തിലുള്ളവ APC അഥവാ antigen presenting cells എന്ന ശ്രേണിയിലുള്ള കോശങ്ങളിൽ മാത്രമേ കാണുന്നുള്ളൂ . ഇതാണ് രോഗാണുക്കൾക്കെതിരെ ആന്റിബോഡി ഉത്പാദിപ്പിക്കാൻ സഹായിക്കുന്നത് . HLA വിഭാഗത്തിൽ പെടുന്ന ജീനുകളാണ് MHC യുടെ പ്രവർത്തനങ്ങളെ നിയന്ത്രിക്കുന്നത് . ആയുർവേദത്തിൽ വ്യക്‌തികളെ വിവിധ പ്രകൃതികളായി ( genotype ) തരം തിരിച്ചിരിക്കുന്നു . വിവിധ പ്രകൃതികളും HLA gene പോളിമോർഫിസവും തമ്മിൽ ബന്ധമുണ്ട് എന്ന് ഗവേഷണങ്ങളിൽ കണ്ടെത്തുകയുണ്ടായി . പിന്നീട് നടന്ന ഗവേഷണങ്ങളിൽ 52 "സ്നിപ്പുകൾ "   (single nucleotide polymorphism ) അടിസ്ഥാനപ്പെടുത്തി വാതപിത്തകഫ പ്രകൃതികളിലെ genotyping നടത്താമെന്നും കണ്ടെത്തുകയുണ്ടായി.  ആയുർവ്വേദം നിർദേശിക്കുന്ന വ്യക്ത്തി അധിഷ്ഠിത പ്രതിരോധ ശക്‌തിയെ ശരിവെക്കുന്നതാണ് ഈ ഗവേഷണ ഫലങ്ങൾ .

💥 രോഗപ്രതിരോധ കോശങ്ങളുടെ എണ്ണമോ പ്രവർത്തനമോ വർധിപ്പിക്കാൻ സാധിക്കുമോ ?

Homeostasis അഥവാ സന്തുലനം ആണ് ശരീരത്തിന്റെ എല്ലാ പ്രവർത്തനങ്ങൾക്കും അധിഷ്ടാനം .  ഇമ്മ്യൂണിറ്റിയുടെ കാര്യത്തിലും അങ്ങനെ തന്നെ .  അത് നിലനിർത്തുക എന്നതാണ്  മികച്ച ജീവിത ശൈലിയിലൂടെ ലക്‌ഷ്യം വെക്കുന്നത് . എന്നാൽ ഓരോ വ്യക്‌തിയുടെയും ജനിതക സ്വഭാവവും ( ആയുർവേദത്തിൽ പ്രകൃതി ) എപിജെനറ്റിക് ഘടകങ്ങളും (ആഹാരം , വ്യായാമം , ചിന്ത , ഋതുഭേദങ്ങൾ മുതലായവ ) അനുസരിച്ചു പ്രതിരോധ ശേഷി ഉൾപ്പെടെ എല്ലാ ശരീര ധർമ്മങ്ങളുടെയും സന്തുലിതാവസ്ഥയിൽ ഏറ്റക്കുറച്ചിലുകൾ ഉണ്ടായിരിക്കും .  System biology എന്നിവയും പേഴ്സണലൈസ്ഡ് മെഡിസിൻ എന്നിവയും അലോപ്പതിയിൽ വൈകിയാണെങ്കിലും സ്വീകാര്യമായതും ഇവിടെ ഓർക്കേണ്ടതാണ് . ചില രോഗങ്ങളിൽ ശരീരത്തിന്റെ സ്വാഭാവിക പ്രതിരോധത്തെ അതിന്റെ പ്രാരംഭ ദിശയിൽ തന്നെ ദുരർബലമാക്കാൻ രോഗാണുക്കൾക്കു കഴിയും . ഉദാഹരണമായി covid -19 ൽ  PLD അഥവാ phenomenon of lymphocyte depletion എന്ന രീതിയിൽ ഇത് പ്രകടമാണ് .  HIV പോലെയുള്ള രോഗങ്ങളിലും പ്രമേഹം പോലെയുള്ള ജീവിത ശൈലീ രോഗങ്ങൾ ഉള്ളവരിലും പ്രായമായവരിലും സ്റ്റിറോയ്ഡ് പോലെയുള്ള ഔഷധങ്ങൾ തുടർച്ചയായി ഉപയോഗിക്കുന്നവരിലും എല്ലാം ഇത്തരം അസന്തുലിതമായ പ്രതിരോധ ശേഷി കാണുന്നുണ്ട് . ഇത്തരം വ്യക്‌തികളെ ആണ് immuno compromised എന്ന് വിളിക്കുന്നത് .  JAK - STAT pathway എന്ന സിഗ്നലിങ് പാത ഉത്തേജിപ്പിക്കപ്പെടുമ്പോഴാണ് covid-19  ഇൽ പ്രതിരോധ ശേഷിയുടെ ഭാഗമായി ഇന്റർഫെറോൺ ഉല്പാദിപ്പിക്കപ്പെട്ടു രോഗാണുവിനെതീരെ ശരീരം യുദ്ധം ചെയ്യുന്നത് .
ഇന്ദുകാന്തം കഷായം വിവിധ ലിംഫോസൈറ്റുകളുടെ ( CD 4 cells & CD  8 cells ) സന്തുലനം ഉണ്ടാക്കുന്നു എന്നതും അതുവഴി പ്രതിരോധ പ്രവർത്തനങ്ങളെ സന്തുലിതമാക്കുന്നതിന് കഴിയുന്നു എന്നതും ഗവേഷണങ്ങളിലുടെ തെളിയിച്ച് വൈദ്യ ശാസ്ത്ര രംഗത്തെ പ്രമുഖ ജേർണലിൽ പ്രസിദ്ധപ്പെടുത്തി ശാസ്ത്ര ലോകത്തിന്റെ അംഗീകാരം നേടിയതാണ്. നിരവധി ആയുർവേദ ഔഷധങ്ങളെ സംബന്ധിച്ച് ഇത്തരം ഗവേഷണ പ്രബന്ധങ്ങൾ ലഭ്യമാണ് . രോഗ പ്രതിരോധ സംബന്ധിയായ കോശങ്ങളെയോ അവയുടെ പ്രവർത്തനത്തെയോ സന്തുലിതമാക്കുന്ന ഇത്തരം ഔഷധങ്ങളെ ഇമ്മുണോ മോഡുലേറ്റർസ് എന്നാണ് വിളിക്കുന്നത് .

💥 Immuno boosting അസാധ്യമായ കാര്യമാണോ ?

Immunoboosting അസാധ്യമോ അസാധാരണമോ ആയ കാര്യം അല്ല .  ഇമ്മുണോ ബൂസ്റ്റിംഗിന് വിപരീതമാണ് ഇമ്മുണോ സപ്രഷൻ. സ്റ്റിറോയിഡുകൾ , HIV ചികിത്സയിൽ ഉപയോഗിക്കുന്ന ലോപിനാവിർ മുതലായ അലോപ്പതി മരുന്നുകൾ മുതലായവ ഇമ്മ്യൂണിറ്റിയെ അമർത്തുന്നവ ( immuno supressive ) ആണ് .  ഇതിനു വിപരീതമായ ഇമ്മ്യൂണിറ്റിയെ ഉത്തേജിപ്പിക്കുന്ന ഔഷധങ്ങൾ അലോപ്പതിയിൽ ഇതുവരെ കണ്ടെത്തിയിട്ടില്ല എന്നതുകൊണ്ട് ആയുർവേദത്തിലെ അത്തരം ഔഷധങ്ങൾ തട്ടിപ്പാണെന്നു പറയാൻ ഏതു ഗവേഷണത്തിന്റെ പിൻബലം ആണുള്ളത് .  80 ഓളം ആയുർവേദ ഔഷധങ്ങളുടെ immuno modulation effect ശാസ്ത്രീയ പരീക്ഷണങ്ങളിലൂടെ തെളിയിച്ചു പ്രസിദ്ധപ്പെടുത്തിയിട്ടുണ്ട് .

💥 ഇമ്മ്യൂണിറ്റിയെ ഉത്തേജിപ്പിക്കുന്നത് അപകടകരമാണോ ?

ഉത്തേജനം ആവശ്യമായ ഘട്ടങ്ങളിൽ അത് ആവാം . ഉദാഹരണമായി COVID -19 ന്റെ തീവ്രമായ അവസ്ഥകളിൽ ഒഴികെ അത് ഗുണം ചെയ്യും. Cytokine storm എന്ന അവസ്ഥയിൽ ധാതു പാകം അഥവാ organ damage ഉണ്ടാകുന്നതിനാൽ അവിടെ ചികിത്സ വ്യത്യസ്തമാണ്. 5% വരുന്ന തീവ്രമായ COVID-19 രോഗികളിലാണ് ഇത്തരം  സാഹചര്യം കണ്ടത് എന്നാണ് ഗവേഷണ ഫലങ്ങൾ കാണിക്കുന്നത് . ആയുർവേദ ഔഷധ ങ്ങളിൽ ഒന്നിലധികം bioactive molecules അടങ്ങിയിരിക്കുന്നതിനാൽ അവ multi targeted ആയിരിക്കും . ചില ഘടകങ്ങൾ ഇമ്മ്യൂണിറ്റിക്കു ഉത്തേജനം നൽകുമ്പോൾ മറ്റുള്ളവ ആ ഉത്തെജനത്തെ നിയന്ത്രിക്കും . ആയുർവേദ ഔഷങ്ങൾ ശാസ്ത്രീയമായി ഉപയോഗിക്കുമ്പോൾ പാർശ്വഫലങ്ങൾ ഉണ്ടാകാതിരിക്കുന്നതു ഇതുകൊണ്ടു കൂടിയാണ് . അതിനാൽ പ്രസ്തുത പോസ്റ്റിൽ ആകുലപ്പെടുന്നതുപോലെ ഇമ്മ്യൂണിറ്റി കുടി രോഗി പൊട്ടി തെറിച്ചു മരണപെട്ടു പോവില്ല. പകരം പ്രതിരോധ ശേഷിയുടെ സന്തുലനം ആണ് സംഭവിക്കുക .

💥 ഇഞ്ചി , മഞ്ഞൾ മുതലായവക്ക് പ്രതിരോധ ശേഷിയിൽ സ്വാധീനം ചെലുത്താൻ സാധിക്കുമോ ?

ഇഞ്ചി , മഞ്ഞൾ മുതലായവ  ഔഷധമായും ആഹാരമായും ഉപയോഗിക്കാം .  മഞ്ഞളിന്റെ ഔഷധ ഗുണം മനസ്സിലാക്കി ഇപ്പോൾ വ്യാപകമായി ഉപയോഗിക്കാൻ തുടങ്ങിയിരിക്കുന്നത്  നമ്മളെക്കാൾ വിദേശീയരാണ് .  Histone acetyl transferase (HAT) എന്ന epigenetic ഹോർമോണിനെ നിയന്ത്രിച്ചും NF-kB , MAPK എന്നീ signalling pathway കളെ നിയന്ത്രിച്ചും മഞ്ഞൾ ശരീരത്തിന് പ്രതിരോധം തീർക്കുന്നു എന്ന് ഗവേഷണത്തിൽ കണ്ടെത്തിയിട്ടുണ്ട്. ചൈനയിൽ 3294 സസ്യ ഔഷധങ്ങളെ ഗവേഷണം നടത്തിയതിയതിൽ കണ്ടെത്തിയത് 30% ഔഷധങ്ങൾക്കും DNMTs അഥവാ DNA methyl transferase എന്ന  epigenetic enzyme ൽ പ്രവർത്തിക്കാനുള്ള കഴിവുണ്ടെന്നാണ് .

💥 ആയുർവേദ ഔഷധങ്ങളുടെ ഇമ്മുണോ മോഡുലേഷൻ എഫ്ഫക്റ്റ് ശാസ്ത്രീയമായി മനസ്സിലാക്കാൻ സാധിക്കുമോ ?

Haemagglutination test , Bonmarrow cellularitty , immunophenotyping by Flow cytometry , Lymphocyte proliferation assay, phagocytosis assay മുതലായ സങ്കേതങ്ങളാണ് ഇതിനു ഉപയോഗിക്കുന്നത് .  കൂടാതെ PCR , Micro array , transcriptome study മുതലായ ജനിതക ശാസ്ത്ര ഗവേഷണ രീതികളും ഇത്തരം ആയുർവേദ ഔഷധങ്ങളുടെ immuno modulatory effect പരിശോധിക്കുന്നതിന് ഉപയോഗിക്കുന്നുണ്ട് .

💥 ജീവിത ശൈലി രോഗപ്രതിരോധ ശേഷി കൂട്ടുമോ ..?

തീർച്ചയായും പങ്കുണ്ട് .  ജന്മനാ സ്വാഭാവിക പ്രതിരോധ ശേഷി മികച്ചതാണെങ്കിൽ പോലും അതിനെ നിയന്ത്രിക്കുന്ന Gene expression പലവിധത്തിലുള്ള epigenetic ഘടകങ്ങൾക്കു വിധേയമാണ് . അതിനാൽ ശരിയായ വ്യായാമം , വിശ്രമം , പോഷക സമൃദ്ധവും എളുപ്പം ദഹിക്കുന്നതുമായ ആഹാരം ,  ശരിയായ ചിന്ത , മലിനീകരണമില്ലാത്ത വായുവും വെള്ളവും എന്നിങ്ങനെ നിരവധി ഘടകങ്ങൾ ഇമ്മ്യൂണിറ്റിയെ സ്വാധീനിക്കുന്നുണ്ട് .

💥 വൈറസ് മൂലമുള്ള രോഗങ്ങളിൽ വാക്‌സിനേഷൻ കണ്ടെത്താൻ വൈകുന്നത് എന്തുകൊണ്ടാണ് ?

ശ്വാസകോശങ്ങളെ ബാധിക്കുന്ന മിക്ക വൈറസ് രോഗങ്ങളിലും വാക്‌സിനേഷൻ കണ്ടെത്താൻ സാധിക്കുന്നില്ല . ഇതിനു കാരണം ഇത്തരം വൈറസ് കൾക്ക് mutation സ്വയം വരുത്താൻ കഴിവുള്ളതു കൊണ്ടാണ് . ശരീരത്തിലെ patern recognition receptor (PRR ) എന്ന ഭാഗങ്ങൾ രോഗാണുക്കളുടെ ചില ഘടനാപരമായ പ്രത്യേകതകളെ ആണ് തിരിച്ചറിയുന്നതും അതിനെതിരെ പ്രതികരിക്കാൻ ആരംഭിക്കുന്നതും .  രോഗാണുവിന്റെ ഈ ഭാഗങ്ങളെ PAMPs അഥവാ pathogen associated molecular pattern എന്ന് വിളിക്കും .അങ്ങനെ രൂപപ്പെടുന്ന memmory cells എന്ന പ്രതിരോധ കോശങ്ങളാണ് പിന്നീട് ഈ വൈറസുകൾ ശരീരത്തിൽ കയറിയാൽ വളരെ പെട്ടെന്ന് അവയുടെ PAMPs നെ തിരിച്ചറിഞ്ഞു അവക്കെതിരെ ആർജിത പ്രതിരോധ ശേഷിയെ പ്രവർത്തിപ്പിക്കുന്നത് .  ശരീരത്തിന്റെ ഈ കഴിവിനെയാണ് വാക്‌സിനേഷനിൽ പ്രയോജനപ്പെടുത്തുന്നത് .  എന്നാൽ ചില വൈറസുകൾക്കു mutation നടത്തി ശരീരത്തിന്റെ ഈ കഴിവിനെ അതിജീവിക്കുവാൻ കഴിയുന്നതിനാലാണ് പലപ്പോഴും vaccination ഇത്തരം രോഗങ്ങളിൽ സാധിക്കാതെ വരുന്നത് . കോറോണക്ക് കാരണമായ SARS CoV -2 ഇക്കഴിഞ്ഞ 100 ദിവസത്തിനുള്ളിൽ മുന്ന് ജനിതക മാറ്റങ്ങൾ വരുത്തി എന്നാണ് ഹാർവാർഡ് സർവകലാശാലയിൽ നടത്തിയ ഗവേഷണങ്ങൾ കാണിക്കുന്നത് . അപ്പോൾ വാക്‌സിനേഷൻ കണ്ടെത്തുന്നതുവരെ ഇതര വൈദ്യ സമ്പ്രദായങ്ങളിലേതുൾപ്പെടെ സാധ്യമായ മറ്റ് എല്ലാ മാർഗ്ഗങ്ങളും ജനങ്ങളുടെ ജീവന് വേണ്ടി നമ്മുടെ പോളിസി മേക്കേഴ്‌സ് ആലോചിക്കുമ്പോൾ എവിടെയാണ് തെറ്റ് ? ആർക്കാണ് അന്ധമായ വിരോധം കൊണ്ട് തിമിരം ബാധിച്ചിരിക്കുന്നത് ?

അറിവ് ( knowledge ) തിരിച്ചറിവിൽ നിന്നും (wisdom) തീർത്തും വിഭിന്നമാണ്‌ . പുസ്തകത്തിൽ നിന്നും സമ്പാദിക്കുന്നത് കേവലം അറിവ് മാത്രമാണ് . തിരിച്ചറിവ് ഉണ്ടാകണമെങ്കിൽ ഉൾകാഴ്ച വേണം . അല്ലെങ്കിൽ നല്ല ഗുരുനാഥന്മാരിൽ നിന്നും  വിദ്യ അഭ്യസിക്കണം.  പ്രസ്തുത പോസ്റ്റിട്ടവർക്ക്‌ ആയുർവേദത്തെ സംബന്ധിച്ചുള്ള എല്ലാ തെറ്റിദ്ധാരണയും മാറി തിരിച്ചറിവ് ഉണ്ടാകട്ടെ എന്ന് ഈ വിഷു ദിനത്തിൽ ആശംസിക്കുന്നു.


Dr . ഷൈജു ഒല്ലാക്കോട്
കോഴിക്കോട്.
സയന്റിഫിക് കമ്മറ്റി,
ആയുർവേദ മെഡിക്കൽ അസോസിയേഷൻ ഓഫ് ഇന്ത്യ

AYUSH preventives for Immunity

https://youtu.be/OhZSmvVzfmA

Follow AYUSH guidelines

http://dhunt.in/9gsuG?s=a&ss=pd

Immunity- Follow AYUSH ministry to enhance immunity

Tips of Koode കണിക്കൊന്ന

Tips of Koode

*വിഷുവല്ലേ.....*

*കൃഷി വർഷത്തിൻ്റെ ഒന്നാം നാളായ
ഇന്നൊരു വിത്തെങ്കിലും ഇടണം*

സ്വാഗതവും നന്ദിയുമൊക്കെയായാണ്,
വേനലാരംഭിക്കുന്നത്.

*വേനൽ തന്ന കാർഷിക വിഭവങ്ങളോടുള്ള നന്ദിയാഘോഷമാണ് വിഷു.*

മഴ മാറി വരാനിരിക്കുന്ന വെയിൽ നാളുകൾക്കുള്ള സ്വാഗതമാണ് തിരുവോണം

ഋതുക്കളെ അത്രമേലാദരിച്ച സമൂഹമായിരുന്നു, നമ്മുടേത്.
*ഋതുക്കൾക്കനുസരിച്ച് ജീവിക്കാനുള്ള ആരോഗ്യകരമായ പാകപ്പെടലുകൾക്കാണ് ആയുർവേദം ഋതു ചര്യയെന്ന് പേരിട്ടത്.*

ആരോഗ്യ ജീവിതത്തിൻ്റെയും രോഗമറിയലിൻ്റെയും
ചികിത്സയുടെയും ഓരോ അണുവിലും പ്രകൃതിയെ
ചേർത്തുവച്ച ഒരു വൈദ്യശാസ്ത്രം
*വിഷു ആശംസകൾ* നേരുന്നു,


വിഷുനാളിനൊപ്പം കൂടപിറപ്പു പോലെയാണ്,
*കണിക്കൊന്ന.*
വൈദ്യലോകത്തിനായി മറ്റെല്ലാ നാളുകളിലും
വളർന്നു നിൽക്കുന്നതാണ് Cassia fistula എന്ന
കൊന്ന. ആരഗ്വധമെന്നതാണ് സംസ്കൃത നാമം

*പൂവും, കായയും,  അതിനുള്ളിലെ മജ്ജയും, ഇലകളും, വേരും, വേരിലെ തൊലിയുമൊക്കെ ഒന്നാന്തരം രോഗ സംഹാരികളാണ്...*.
എങ്കിലും പ്രധാനപ്പെട്ട ഭാഗമാകുന്നത്
 മരപ്പട്ട തന്നെ.

ചെറിയ ശോധന (Laxative) ഉണ്ടാക്കുന്നു എന്ന
സവിശേഷതയാണ് ഇവക്കുള്ളത്
കുഴൽപോലുള്ള കായ, പൊട്ടിച്ചു നോക്കിയാൽ,
*നട്ടെല്ലിലെ Disc കളെ* ഓർമ്മിപ്പിക്കും.
നട്ടെല്ലിനുണ്ടാകുന്ന അസുഖങ്ങൾക്കുള്ള
*ആയുർവേദ മരുന്നുകളിൽ ഈ കുഴൽക്കൊന്ന*
*ചേരുന്നത് പ്രകൃതിയുടെ ചില സൗന്ദര്യങ്ങളാകാം*

*നമുക്കെല്ലാം, നന്മയിലേക്ക് മുള പൊട്ടി വിരിയാം*

Koode - 14-4-2020
AMAl - ISM -VPSV AVC - GARIM - malappuram

Tips of Koode ചമ്മന്തി

*Tips of Koode*

ഒരു ചമ്മന്തിയെങ്കിലും കൂട്ടി, കഞ്ഞി കുടിക്കുമെന്നത് ഏതു സാമ്പത്തിക പ്രതിസന്ധിയിലും മലയാളിക്ക് ഒരു മിനിമം പ്രതീക്ഷയാണ്

*ചമ്മന്തി

* യെന്ന പേര് വന്നതെങ്ങനെയാകും?

ആയുർവേദത്തിൽ ഇത്തരത്തി ലുണ്ടാക്കുന്നവയെ *സംബന്ധി* യെന്ന് പരാമർശിക്കാറുണ്ട്.
സംബന്ധി ലോപിച്ചാകണം ചമ്മന്തിയായത്.

വേനൽ കാലത്തു എരിവ്,പുളി, ഉപ്പ് ഒക്കെ കുറച്ച്  എണ്ണയുടെ അംശമുള്ളതും  മധുരവും ജലാംശമുള്ളതൊക്കെ ശീലിക്കണം. നിർഭാഗ്യവശാൽ,ഏറ്റവും കൂടുതൽ അച്ചാറും കൊണ്ടാട്ടങ്ങളും ഉണ്ടാക്കുന്നതും ഉപയോഗിക്കുന്നതും  വേനലിലാണ്.

എരിവ് പുളി ഒക്കെ കുറച്ചും,  സീസണലായ മാങ്ങയൊക്കെ ഉപയോഗിച്ചും ചമ്മന്തിയുണ്ടാക്കാം . *തേങ്ങ* കൂടുതൽ ചേർക്കുന്നതുമാവും, *വേനലിൽ* നല്ലത്.

*മാമ്പൂചമ്മന്തി* - മാവിൻ പൂവ് തേങ്ങയും പച്ചമുളകും ഉപ്പും കൂട്ടിയരച്ചൊരു വറൈറ്റി ചമ്മന്തിയുണ്ടാക്കാം

ഉൽപ്പന്ന ലഭ്യത പല വിധത്താലും കുറഞ്ഞ
ലോക്ക് ഡൗൺ കാലം, *മിതജീവിത* ത്തിൻ്റെ
പഠന കാലവുമാകണം

*മിതത്വ* മെന്നത് ആർഭാടത്തിൽ നിന്ന് ആവശ്യത്തിലേക്കും, ആവശ്യത്തിൽ നിന്ന് അത്യാവശ്യത്തിലേക്കുമുള്ള തെരഞ്ഞെടുപ്പാണ്.


നമുക്കു വേണ്ടത് നമുക്ക് ചുറ്റും ഉണ്ടോയെന്ന
നോട്ടമാണ്, മിതത്വം.

എല്ലാം വാങ്ങി കൂട്ടാനുള്ളതല്ലെന്നും
ചുറ്റുമേ നിന്ന് കണ്ടെത്താനാവുമെന്നതിൻ്റെ
പരിശീലന കാലമാകണമിത്.

'' *സർവ്വധർമേഷു*  *മധ്യമ* മെന്ന സുന്ദരമായ അക്ഷരയൊതുക്കത്തിൽ
മിതത്വം ശീലിക്കുവാൻ ആയുർവേദം അനുശാസിക്കുന്നുമുണ്ട്.
*koode-13-4-2020*
*AMAI-ISM - VPSV AVC -GARIMmalappuram*

Tips of Foodcine - Koode ചക്ക

Tips of Foodcine - Koode

കേരളത്തിൻ്റെ ചക്കക്കാലത്ത് തന്നെ വന്ന വിരുന്ന് വന്ന വിരുതനാണ് കോവിഡ് 19.

പുറത്ത് സാമൂഹിക അകലം പാലിക്കാൻ ആഹ്വാനം ചെയ്യുന്ന മുള്ളുകളും അകമേ ഒട്ടിച്ചേർന്ന് ഐക്യപ്പെടാനുള്ള പശയും കൈവശമുള്ള ചക്കയെപ്പറ്റി ഈ ലോക്ക് ഡൗൺ കാലത്ത് തന്നെ ചർച്ച ചെയ്യാം.

മണിച്ചേട്ടൻ്റെ പാട്ടിലെ, വരിക്കചക്കേടെ
ചൊള കണക്കിന് തുടുതുടുത്തൊരു
ഏത് കല്യാണിമാർക്കും ചക്ക തിന്നാൻ
സമയമൊരുപാടുണ്ട്.

ചക്ക ഒരു ടെൻഷൻ റിലീവറും കൂടിയാണ്
പ്ലാവിലെ മൂത്ത ചക്കയിട്ട്, വീട്ടിലെല്ലാരുമിരുന്ന് ,  കത്തിയിൽ വെളിച്ചെണ്ണയാക്കി മുറിച്ച് ചകിരി കൊണ്ട് പശ മാറ്റി  ചുള പറിച്ചെടുത്തു കഴിക്കുന്നതും അയൽ വീടുകളിലെത്തിക്കുന്നതും വലിയൊരു *സ്നേഹത്തിന്റെയും കൂട്ടായ്മയുടെയും പ്രതീകമായിരുന്നു.*

ഇതിനിടയിൽ ഒറ്റക്ക് ടെൻഷനാകാൻ എവിടെ നേരം ?

ഇളം മൂപ്പൊക്കെ വച്ച് തരം പറയാം,

*ഇടിച്ചക്ക*.- തോരൻ സ്പെഷ്യൽ

*പച്ചച്ചക്ക*:- പുഴുക്ക് ,കറി
നാരുകളധികം, കലോറിയിത്തിരി ,
പ്രമേഹത്തിനുത്തമം
പച്ചച്ചക്ക ഉണക്കിപ്പൊടിച്ച് ആട്ടയിൽ ചേർക്കാം.

*പഴുത്ത ചക്ക*:-  ഊർജദായകവുമാണ് (പ്രമേഹത്തിൽ വേണ്ട)

ചക്ക ഏതായാലും
ഇഞ്ചി, മഞ്ഞൾ, വെളുത്തുള്ളി ചേർത്ത് പാചകമായാൽ ദഹനം നന്നാകും.

*ചക്കക്കുരു* ചുടാം വറുക്കാം പുഴുക്കാക്കാം ചെമ്മീൻ ചേർത്ത് കറിയാക്കാം.
*(Jacalin എന്ന Immunomodulator ചക്കക്കുരുവിലുണ്ട്)*

*ചക്കയ്ക്ക്  ചുക്ക്* ടച്ചിംഗ്സായി ചുക്ക് പൊടിയോ ,ചുക്ക് വെള്ളമോ കാപ്പിയോ കഴിക്കാം.

12.04.2020
AMAI - ISM - VPSV AVC - GARIM Koode - Malappuram

Let the Ayurveda Doctors do their duty

Immunity and Herbs

Immunity is the mechanism of the body to prevent from getting diseases. Diseases are not always caused by germs.

The immunity of a person depends on his  LIFESTYLE (ie., all activities and thoughts from waking up in the morning to sleeping at night ), the quality of the FOOD that he eats and  the way his body responds to that food ( excluding Environmental, Genetic and Living influences).

For example, research studies shows that a person who exercises daily  will have a better immunity than a person who doesn't exercise. Improving one's immunity in this way is called IMMUNO POTENTIATION.

The following ways of immunopotentiation in lifestyles  are famous in the scientific community:

1. Exercise ( done according to one's body constitution, food and environment)

2. Sleep- Sleep and Immunity are interconnected. As sleep is deprived , special chemicals in the body called Cytokines decrease and Immunity also decreases.

3. Peace of mind- calmness reduces the level of stress hormones in the body and helps in immunopotentiation.

4. Bath - Studies show that even daily bath causes immunopotentiation!

Studies of Immunopotentiation / immunomodulation are available for the following herbs:

1. Ginger- its superior action against viruses have been recorded in several studies in humans and rats and other research studies  ( studies especially in White Blood cells, Major Histocompatibility complex are available).

2. Tulsi- several research studies  shows that it improves our humoral immune response and cell mediated response.

Similarly, the following are some herbs in which immunopotentiation have been detected in the same way as mentioned above:

1. Turmeric

2. Amrt ( Tinospora cordifolia)

3. Gooseberry ( Emblica officinalis)

4. Garlic

5. Kiryatha ( Andrographis paniculata )

6. Drumstick ( Moringa olifera)

7. Aloe vera

8. Satavari (Asparagus racemosus)

9. Mustard

10. Kudangal / Muthil ( Centella asiatica )

"Knowledge is the best medicine ; Ignorance a potent poison."

Dr. Dinesh K.S.
Professor,
Ayurveda College,Kottakkal


https://scientificayurved.blogspot.com/2020/04/blog-post.html?m=1

https://www.ethicalayurveda.com/