ദശപുഷ്പം: 3 )വിഷ്ണുക്രാന്തി

*ദശപുഷ്പം: ഭാഗം 3*

*വിഷ്ണുക്രാന്തി*

മണ്ണിൽ പടർന്നു വളരുന്ന  ഒരു ഔഷധ സസ്യമാണ് വിഷ്ണുക്രാന്തി . ഇതിന്റെ ഇല വൃത്താകാരത്തിലോ അണ്ഡാകാരത്തിലോ ആയിരിക്കും.നീലയും, അപൂർവം വെളുപ്പും നിറത്തിലായിട്ടാണ് ഇതിന്റെ പൂക്കൾ. ഉഷ്ണവീര്യമുള്ള ഈ ചെടി ചെങ്കൽ മണ്ണിൽ നന്നായി വളരുന്നു


🏠സസ്യ കുടംബം : CONVOLVULACEAE

ശാസ്ത്രനാമം: Evolvulus alsinoides

സംസ്കൃത നാമം: നീലപുഷ്പി


ഔഷധമൂല്യം :

🤒വിഷ്ണുക്രാന്തി സമൂലം കഷായം വെച്ച് നൽകിയാൽ വിവിധതരം  പനികൾക്ക് ഫലപ്രദമാണ് .

🤒വിട്ടുമാറാത്ത രാത്രിയുണ്ടാകുന്ന പനിക്ക് വിഷ്ണുക്രാന്തി, കാട്ടുതുളസിയുടെ വേര് കഷായം വെച്ച് കഴിക്കുന്നത് ശമനമുണ്ടാക്കും .

🤔🤔വിഷ്ണുക്രാന്തി സമൂലം നീര് ഒരു ടേബിൾസ്പൂൺ , നെയ്യ് ചേർത്ത് രണ്ടു നേരം കഴിക്കുന്നത് ബുദ്ധിമാന്ദ്യത്തിനും ഓർമ്മക്കുറവിനും  നന്ന്.

😵വിഷ്ണുക്രാന്തി തണലിൽ ഉണക്കി പൊടിച്ചു തേനിൽ ചാലിച്ച് കഫത്തിന് കഴിക്കാവുന്നതാണ് .

🥵അൾസറിന്റെ വേദനക്ക് വിഷ്ണുക്രാന്തി വേര് കഷായം കഴിക്കുക.

🛑രക്തം തുപ്പുമ്പോൾ പാലിലരച്ചു നൽകിയിൽ മതി .

 🔻🙎🏼‍♀️  ഗർഭാശയസമ്പന്ധമായ അമിതരക്തസ്രാവത്തിന് വിഷ്ണുക്രാന്തിയുടെ പൂവ് അരച്ച് കലക്കി ചൂടുവെള്ളത്തിൽ സേവിക്കുക.

🌱🌱വീട്ടുമുറ്റത്തു വിഷ്ണുക്രാന്തി   വച്ചു പിടിപ്പിക്കാൻ മറക്കല്ലേ..

🌱🌱സ്ഥലമില്ലാത്തവർക്ക് ചെറിയ ചട്ടിയിലോ ഗ്രോ ബാഗിലോ വിഷ്ണുക്രാന്തി   വച്ചു പിടിപ്പിക്കാവുന്നതാണ്


NB: ഇവിടെ പറഞ്ഞ ഉപയോഗക്രമം നിങ്ങളുടെ അറിവിനും ഔഷധസസ്യങ്ങൾ നമ്മുടെ വീടിനു ചുറ്റും വെച്ച് പിടിപ്പിക്കുന്നതിനും അത്യാവശ്യ ചെറിയ ചെറിയ അസുഖങ്ങൾക്ക് പരാശ്രയമില്ലാതെ ഒരു ഗൃഹവൈദ്യ പ്രയോഗം പോലെ ഉപയോഗിക്കുവാൻ വേണ്ടിയാണു . എല്ലാ പ്രയോഗങ്ങൾ എല്ലാവര്ക്കും ഫലിക്കണമെന്നില്ല ; കാരണം ദേശം, കാലം, രോഗി ബലം , രോഗ ബലം, ദഹനം, ശോധന , ശരീരപ്രകൃതി , മനസ്സിന്റെ ബലം, ശീലങ്ങൾ , പഥ്യ-അപഥ്യം , വയസ്സ് മുതലായവയെ ആസ്പദമാക്കിയാണ് ചികിത്സാ നിശ്ചയിക്കുന്നത് .
അതുകൊണ്ടു നിങ്ങളുടെ അടുത്തുള്ള ആയുർവേദ ഡോക്ടറോട് കൂടിയും ചോദിച്ചു ഉപയോഗിക്കുന്നത് അഭികാമ്യം ....


പൊതുജന താത്പര്യാർത്ഥം
ആയുർവേദ അസ്സോസിസ്യഷൻ ഓഫ് ഇന്ത്യ (AMAI), തൃ








   

കരുത്തേകാൻ ആയുർവേദം"ക്വാറൻ്റൈൻ സ്പെഷ്യൽ

(സ്റ്റേറ്റ് ആയുർവേദ കോവിഡ്-19 റെസ്പോൺസ് സെൽ(SACRC)കേരളം പ്രസിദ്ധീകരിക്കുന്നത്*  )

Please share:

*കരുതലോടെ കേരളം*
*കരുത്തേകാൻ ആയുർവേദം*
"ക്വാറൻ്റൈൻ സ്പെഷ്യൽ*

ശരീരബലം ഉയർത്താനും രോഗാണുക്കൾക്കെതിരെ ചെറുത്തു നിൽക്കാനും സഹായിക്കുന്ന #വിഭവങ്ങൾ.

മഞ്ഞൾ, ഇഞ്ചി, വെളുത്തുള്ളി, കറിവേപ്പില, കടുക്, കായം, ചുക്ക്, കുരുമുളക്, വെളുത്തുള്ളി, ചുവന്നുള്ളി, ജീരകം, ചെറുനാരങ്ങ, ചെറുപയർ എന്നിവ ഭക്ഷണ നിർമ്മാണത്തിൽ കൂടുതലായി ഉപയോഗിക്കാം.

*കുടിക്കുവാനുള്ള വെള്ളം*

ചുക്ക്, മല്ലി, തുളസി ഇട്ട് തിളപ്പിച്ച വെള്ളം ഉപയോഗിക്കാം.ലഭ്യത പോലെ രാമച്ചവും ചേർക്കാം.

*തുളസി കാപ്പി*

2 നുള്ള് ചുക്ക് പൊടി, 4 കുരുമുളക്, 6 തുളസിയില, 5 പനിക്കൂർക്കയില എന്നിവയിട്ട് വെള്ളം തിളപ്പിച്ച്‌ കാപ്പിപ്പൊടി ചേർത്ത് കാപ്പി ഉണ്ടാക്കുക. പഞ്ചസാരയ്ക്ക് പകരം പനംകൽക്കണ്ടമോ, കരിപ്പെട്ടിശർക്കരയോ ചേർക്കുക...
ദിവസവും 1-2 പ്രാവശ്യം തുളസി കാപ്പി  കുടിക്കാവുന്നതാണ്...

*സ്പെഷ്യൽ സംഭാരം*

ചുക്ക്, കുരുമുളക്, അയമോദകം, മല്ലി, കറിവേപ്പില എന്നിവ തുല്യമായി എടുത്ത് അല്പം മഞ്ഞൾപൊടി ചേർത്ത് മോര് കാച്ചി ഒരു നേരം കുടിക്കുക. ഇത് തന്നെ നേർപ്പിച്ച് സംഭാരം ആയി ദാഹത്തിനു കുടിക്കാം.

ഇഞ്ചി, കറിവേപ്പില, 1ചെറുനാരങ്ങ, 1നെല്ലിക്ക ചേർത്ത്  ഉണ്ടാക്കുന്ന സംഭാരം ദാഹത്തിന്ന് കുടിക്കുവാൻ നല്ലതാണ്.
(പ്രത്യേക ശ്രദ്ധയ്ക്ക് -
തൈര്  അല്പം വെള്ളം ചേർത്ത് മിക്സിയിൽ അടിച്ച് / കടഞ്ഞ് വെണ്ണ നല്ലപോലെ മാറ്റിയ മോരാണ്  ഉപയോഗിക്കേണ്ടത്)

*നാരങ്ങവെള്ളം*

നാരങ്ങവെള്ളത്തിൽ ഇഞ്ചി നീര് കൂടി ചേർത്ത് ഇടക്ക് പാനീയമായി ഉപയോഗിക്കാം.

*ഔഷധക്കഞ്ഞി*

ജീരകം, ഉലുവ, മഞ്ഞൾ, വെളുത്തുള്ളി, കായം, ചെറുപയർ (പ്രത്യേക അളവില്ല. ആവശ്യത്തിന് ) ഇവ ചേർത്ത് സാധാരണ ഉപയോഗിക്കുന്ന അരി ഉപയോഗിച്ചോ പൊടിയരി ഉപയോഗിച്ചോ കഞ്ഞി പാകം ചെയ്യുക. പ്രമേഹം  ഉള്ളവർ അരിക്ക് പകരം നുറുക്ക് ഗോതമ്പ് അല്ലെങ്കിൽ യവം  ചേർക്കുക.

*ഇഞ്ചി മാങ്ങ /ഇഞ്ചിശർക്കര*

ഇഞ്ചിയും മാങ്ങയും ചെറുതായി കൊത്തിയരിഞ്ഞു (മാങ്ങാ അച്ചാറിന് എന്ന പോലെ )ചേർത്ത് വയ്ക്കുക. ഇടക്ക് വെറുതെ കഴിക്കാനും ഊണിനു ഒപ്പം കഴിക്കുകയും ചെയ്യാം.
മാങ്ങയ്ക്ക് പകരം ശർക്കരയും ചേർക്കാം.

*ചമ്മന്തി*

ഇഞ്ചി, ചുവന്നുള്ളി, തക്കാളി, നെല്ലിക്ക, കറിവേപ്പില, നാളികേരം ഇവയെല്ലാം ഒരുമിച്ചു ചേർത്തോ രണ്ടോ മൂന്നോ ചേർത്തോ ചമ്മന്തി ഉണ്ടാക്കാം. ചുവന്നുള്ളി, ഇഞ്ചി ചേർത്ത് അല്ലെങ്കിൽ തക്കാളി, കറിവേപ്പില, ചുവന്നുള്ളി ചേർത്ത്. എന്നിങ്ങനെ.

ഇഞ്ചിയ്ക്ക് പകരം മാങ്ങയിഞ്ചി ചേർത്തും ചമ്മന്തി തയ്യാറാക്കാം.

*ചുവന്നുള്ളി വറുത്തത്*

ചുവന്നുള്ളി അല്പം നെയ്യ് ചേർത്ത് മൂപ്പിച്ചു  ഇടയ്ക്ക് കഴിക്കുക. ചോറിനൊപ്പം ചേർത്ത് കഴിക്കാനും ഉപയോഗിക്കാം.

*ഉള്ളി സാമ്പാർ*
ചെറിയ ഉള്ളി, മുരിങ്ങക്കായ, മല്ലി, ഉലുവ, കറിവേപ്പില, മല്ലി, മഞ്ഞൾ പൊടി, കായം, കടുക്, വറ്റൽ മുളക് ചേർത്ത് സാമ്പാർ വയ്ക്കുക.

*രസം*
തക്കാളി, തുവരപ്പരിപ്പ്, ജീരകം, ചുക്ക് പൊടി, കുരുമുളക്, വറ്റൽ മുളക്‌, മുളക് പൊടി, മല്ലിപൊടി , മല്ലിയില, ഉപ്പ്, കായപ്പൊടി എന്നിവ ചേർത്ത് രസം തയ്യാറാക്കുക.

*അല്പം കറിവേപ്പില മഞ്ഞളും പനംകൽക്കണ്ടവും ചേർത്തരച്ചു വെച്ച് ഒരു ചെറിയ ഉരുള വീതം ദിവസവും കഴിക്കുക.


*നെല്ലിയ്ക്ക ഉപ്പിലിട്ടത് ഇടയ്ക്ക് കഴിക്കുക.


*ചെറുപയർ സൂപ്പ്*

അല്പം ചെറുപയർ എടുത്ത്  കുറച്ച് ഉപ്പ് /ഇന്തുപ്പ്  ചേർത്ത് നല്ലവണ്ണം കുക്കറിൽ വേവിച്ചെടുക്കുക. അതിൽ  കുറച്ചു വെള്ളം കൂടി ചേർത്ത് നന്നായി തിളപ്പിക്കുക. അല്പം ഇഞ്ചി, വെളുത്തുള്ളി, ചുവന്നുള്ളി എന്നിവ നെയ്യിൽ മൂപ്പിച്ചു ചേർക്കുക. അല്പം ചൂടോടെ സൂപ്പായി കുടിക്കാം.

ഉള്ളി മൂപ്പിക്കുന്നതിന് മുമ്പ്  2 പിടി മലർ കൂടി ചേർത്താൽ മലർക്കഞ്ഞിയായി ഉപയോഗിക്കാം.

 *സ്റ്റേറ്റ് ആയുർവേദ കോവിഡ്-19 റെസ്പോൺസ് സെൽ(SACRC)കേരളം പ്രസിദ്ധീകരിക്കുന്നത്*

കരുതലോടെ കേരളം

കരുത്തേകാൻ ആയുർവേദം

ദശപുഷ്പം: 2 ) മുയൽചെവിയൻ

🐰പേര് പോലെ തന്നെ മുയലിന്റെ  ചെവിയോട് സാദൃശ്യമുള്ള ഇലകളുള്ള ഒരു ചെറിയ സസ്യമാണ് മുയൽച്ചെവി.🐰

🌿കളയായി വളരുന്ന ഇത് ഏകദേശം 50 -60 cm ഉയരത്തിൽ വളരുന്നു .

 🌱ഇലഞെട്ടിൽ നിന്നും മുകളിലേക്കുയർന്നു നിൽക്കുന്ന തണ്ടിലുള്ള മനോഹരമായ  പൂക്കളുടെ നിറം റോസാണ് .

🥀കായ്കളിൽ അനേകം വിത്തുകൾ ഉണ്ടാകുന്നു.

🌪️കാറ്റുമൂലം വിതരണം സംഭവിക്കുന്ന ഒരു ചെടിയായതിനാൽ വിത്തുകളിൽ നേർത്ത വെളുത്ത രോമങ്ങൾ കാണാം.

🏠സസ്യകുടുംബം: Compositae / Asteraceae

🍃ശാസ്ത്രനാമം : Emilia sonchifolia

സംസ്കൃതം : ശശശ്രുതി

💪🏻ജ്വരം, വാതരോഗം, കൃമിരോഗം , നേത്രരോഗം തൊണ്ടവേദന(tonsilitis) രക്താർശ്ശസ് എന്നിവക്ക് മുയൽചെവി ഉപയോഗിച്ച് വരുന്നു .

👷‍♀️കുട്ടികളുടെ വിവിധ രോഗങ്ങൾക്ക് പരമ്പരാഗതമായി ഉപയോഗിക്കുന്ന ഔഷധമാണ് ഇത്. 

ഔഷധപ്രയോഗങ്ങൾ :

👅1.തൊണ്ടവേദനക്ക് മുയൽചെവി സമൂലം അരച്ച് തൊണ്ടക്ക് പുരട്ടുക .

😑2. മുയൽചെവിയുടെ നീര് കാലിലെ പെറുവിരലിലും നെറുകയിലും അരമണിക്കൂർ വെക്കുകയും ചെയ്‌താൽ ചെന്നികുത്തിന്റെ തലവേദന ശമിക്കും .

👁️3. മുയൽചെവിയുടെ ഇല ചതച്ചു പിഴിഞ്ഞ് അരിച്ചെടുത്തു കണ്ണിൽ ഇറ്റിച്ചാൽ കണ്ണിലുണ്ടാവുന്ന ചുവപ്പു, രാക്കണ്ണ് , നീർവീക്കം  എന്നിവക്ക് ആശ്വാസമുണ്ടാകും .

🐛4. മുയൽചെവിയൻ സമൂലം ഒരു ടേബിൾസ്പൂൺ നീര് രണ്ടു നേരം മൂന്ന് ദിവസം കഴിച്ചാൽ പനി, കൃമി ശമിക്കും .

🐛5. മുയൽചെവിയൻ ഉണക്കി പൊടിച്ചു തേനിൽ ചേർത്ത് ഒരു ടീസ്‌പൂൺ വീതം രാത്രിയിൽ കഴിച്ചാൽ കൃമിശല്യം അകലും.

🌶️6. മുയൽചെവിയൻ  സമൂലം അഞ്ചുഗ്രാം വീതം  കാച്ചിയ മോരിൽ അരച്ച് കഴിച്ചാൽ രക്താർശ്ശസ്സ് ശമിക്കും .

👃7. മുയൽച്ചെവിയന്റെ നീരെടുത്തു എണ്ണ കാച്ചി തേക്കുന്നത് നീർപിടിത്തം, ടോൺസിലൈറ്റിസ്, കുട്ടികളിലെ വിട്ടുമാറാത്ത മൂക്കൊലിപ്പ്, തൊണ്ടവേദന തുടങ്ങിയവക്ക് പരിഹാരമായി കാണാറുണ്ട്. 

👃8. തുളസി, പനിക്കൂർക്ക, മുയൽച്ചെവിയൻ തുടങ്ങിയവ ഇട്ടു വെള്ളം തിളപ്പിച്ച്‌ കുടിക്കുന്നത് കുട്ടികളുടെ ശ്വസന സംബന്ധമായ അസുഖങ്ങൾക്ക് നല്ലതാണ്. 

 🎈 ഇതെല്ലാം  പ്രാഥമിക ചികിത്സകൾ മാത്രമാണ്* . മറ്റ് അസുഖങ്ങൾ ഉള്ളവരിലും തീവ്രമായ രോഗലക്ഷങ്ങൾ ഉള്ളവരിലും ഇത് ഫലപ്രദമാകണം എന്നില്ല.

ആ സാഹചര്യത്തിൽ ഈ മാർഗ്ഗങ്ങൾ രജിസ്റ്റേർഡ്  ആയുർവേദ  ഡോക്ടറുമായി ആലോചിച്ച ശേഷം മാത്രം ചെയ്യുക.  

🤠🤠വീട്ടുമുറ്റത്തു മുയൽച്ചെവിയൻ വച്ചു പിടിപ്പിക്കാൻ മറക്കല്ലേ..  

🌱🌱സ്ഥലമില്ലാത്തവർക്ക് ചെറിയ ചട്ടിയിലോ ഗ്രോ ബാഗിലോ മുയൽച്ചെവിയൻ  വച്ചു പിടിപ്പിക്കാവുന്നതാണ്. 

-ആയുർവേദ മെഡിക്കൽ അസോസിയേഷൻ ഓഫ് ഇന്ത്യ (AMAI), തൃശ്ശൂർ

ദശപുഷ്പങ്ങൾ 1)-പൂവാങ്കുറുന്തൽ

https://www.facebook.com/107389900952942/posts/130438805314718/

*🌿ദശപുഷ്പങ്ങൾ*🌿

കേരളീയ ആയുർവേദ ഗ്രന്ഥങ്ങളിൽ  മാത്രം കാണുന്ന, കേരളത്തിന്റെ സംസ്കാരവുമായി ഇഴുകി ചേർന്ന പത്തു പുഷ്പങ്ങളാണ് ദശപുഷ്പങ്ങൾ എന്നറിയപ്പെടുന്നത്.
 എല്ലാ പുഷ്പങ്ങളും ഔഷധമായി ഉപയോഗിക്കാവുന്നതാണ്. കേരളത്തിലെ ഗൃഹവൈദ്യമായും,  മുത്തശ്ശിവൈദ്യത്തിലും,  പ്രധാനമായും ദശപുഷ്പങ്ങൾ ഉപയോഗിച്ചുവരുന്നു.
 കേരളീയ ആയുർവേദ ഗ്രന്ഥങ്ങളായ *സഹസ്രയോഗം, യോഗാമൃതം ചികിത്സാമഞ്ജരി*  തുടങ്ങിയവയിൽ ദശപുഷ്പങ്ങളുടെ ഉപയോഗം പറയുന്നുണ്ട്.

 എല്ലാ പുഷ്പങ്ങളും  പൊതുവേ ആന്റി ഇൻഫ്ളമേറ്ററി സ്വഭാവം കാണിക്കുന്നതാണ്.

പനി തൊണ്ടവേദന നീരിറക്കം തുടങ്ങിയ അസുഖങ്ങൾക്ക് ആണ് ഇവ സാധാരണയായി ഉപയോഗിച്ച് കാണുന്നത്.

വേനലിൽ (ഗ്രീഷ്മ ഋതു ) നിന്ന് മഴക്കാലത്തേക്ക്  (വർഷ ഋതു )മാറുന്ന  അവസ്ഥയിൽ ഭൂമിക്ക്  അമ്ലാംശം  വർദ്ധിക്കും. കൂടാതെ ദഹനശക്തി ഏറ്റവും മോശമായ അവസ്ഥയിൽ ആകുകയും  ശരീരത്തിന്റെ ബലം കുറയുകയും ചെയ്യുന്ന  മാസമാണ്  കർക്കിടകം . ഈ സമയത്തു ശരീരത്തിന്റെ സ്വാഭാവിക ബലം ( രോഗപ്രതിരോധ ശേഷി ) നിലനിർത്തി ആരോഗ്യം പ്രദാനം ചെയ്യുവാൻ, ആ കാലത്തു വീടിനു ചുറ്റും കാണുന്ന സസ്യങ്ങളെ ഉപയോഗിക്കുവാൻ ആയുർവേദം വിധിക്കുന്നു.
അങ്ങനെ ഒരു കൂട്ടം ഔഷധങ്ങളാണ് ദശപുഷ്പങ്ങൾ .

" പൂവാംകുറുന്നില മുയൽച്ചെവി വിഷ്ണു ദൂർവാ
കയ്യുണ്ണ്യുഴിഞ്ഞ തിരുതാളി നിലപ്പനാ ച
മുക്കുറ്റിയും ചെറൂളയും ഏതേ ദശപുഷ്പ നാമാ
എല്ലാമറിഞ്ഞതിനു വന്ദനം ചെയ്ക നിത്യം "

1.പൂവാംകുറുന്നില ,
2.മുയൽച്ചെവി ,
3.വിഷ്ണുക്രാന്തി
4. കറുക ,
5. കയ്യോന്നി,
6. ഉഴിഞ്ഞ ,
7. തിരുതാളി ,
8. നിലപ്പനാ ,
9. മുക്കുറ്റി ,
10.ചെറൂള -ഇവയാണ്  ദശപുഷ്പങ്ങൾ.



 ഇനി ഓരോന്നും പരിചയപ്പെടാം

                        1 .പൂവാംകുറുന്തൽ

സസ്യകുടുംബം: Compositae/ Asteraceae

ശാസ്ത്രനാമം : Vernonea cinerea .

സംസ്‌കൃതം : സഹദേവി

15cm ഉയരത്തിൽ വളരുന്ന ഈ ഏകവർഷിസസ്യം വയലറ്റ് പൂക്കളോടുകൂടി കാണാം .


ഔഷധമൂല്യം :

ശരീരതാപം കുറയ്ക്കാനും, മൂത്രപ്രവാഹം സുഗമമാക്കുവാനും, വിഷം കളയുന്നതിന്നും രക്ത ശുദ്ധിയ്ക്കും ഈ സസ്യം ഔഷധമായി ഉപയോഗിക്കുന്നു.

പനി, മലമ്പനി, തേൾവിഷം, അർശസ്, എന്നിവക്കും, നേത്ര ചികിത്സയിലും ഉപയോഗിക്കുന്നു.

 *ചില ഔഷധ പ്രയോഗങ്ങൾ*

1. പൂവാംകുറുന്നില സമൂലമെടുത്തുകഷായം വെച്ച് ഒരൗൺസ് വീതം രണ്ടു നേരം കഴിക്കുന്നത് പനിക്ക് ശമനം കിട്ടും.

2.പൂവാംകുറുന്നില , മൂന്ന് മണി കുരുമുളകും ചേർത്ത് കഴിക്കുന്നത് തുമ്മൽ, തൊണ്ട വേദന, ചുമ എന്നിവക്ക് ശമനം കിട്ടും.

3.  തലവേദനക്ക് നെറ്റിയിൽ അരച്ചിടുക .

4. പൂവാംകുറുന്നില  സമൂലം ഇടിച്ചു പിഴിഞ്ഞ നീരും കഞ്ഞുണ്ണി നീരും തുല്യ അളവ് വെളിച്ചെണ്ണയിൽ കാച്ചിയെടുത്തത്  മുടി വളർച്ചയെ സഹായിക്കുന്നു.

5. പൂവാംകുറുന്നിലയുടെ നീരിൽ പകുതി എണ്ണ ചേർത്ത് കാച്ചി തേച്ചാൽ മൂക്കിൽ ദശ വളരുന്നത് ശമിക്കും.

6. കണ്മഷി :പൂവാംകുറുന്നില നീരിൽ പരുത്തി തുണി മുക്കിയെടുത്തു തണലിൽ ഉണക്കണം. വീണ്ടും നീരിൽ മുക്കിയെടുത്തു ഉണക്കണം.ഇങ്ങനെ ഏഴു തവണ ചെയ്യണം.ശേഷം ഒരു വിളക്കിൽ എള്ളെണ്ണയോ നെയ്യോ ഇട്ടു അതിൽ തിരി ഇട്ടു  കത്തിക്കുക . ഒരു മൺപാത്രമോ, സ്റ്റീൽ പ്രതലത്തിൽ  ശേഖരിക്കുന്ന കരിയെടുത്തു കണ്മഷിയാക്കാവുന്നതാണ് .


 🎈ഇതെല്ലാം  പ്രാഥമിക ചികിത്സകൾ മാത്രമാണ്. മറ്റ് അസുഖങ്ങൾ ഉള്ളവരിലും തീവ്രമായ രോഗലക്ഷങ്ങൾ ഉള്ളവരിലും ഇത് ഫലപ്രദമാകണം എന്നില്ല.
ആ സാഹചര്യത്തിൽ ഈ മാർഗ്ഗങ്ങൾ നിങ്ങളുടെ പഞ്ചായത്തിലെ ആയുർവ്വേദ ഡോക്ടറുമായി ഫോണിൽ ബന്ധപെട്ടു ആലോചിച്ച ശേഷം നിങ്ങൾക്ക് പ്രയോജനപ്പെടുത്താവുന്നതാണ്.

AMAI THRISSUR
https://www.facebook.com/107389900952942/posts/130438805314718/

മെയ്‌ 22. ജൈവ വൈവിധ്യ ദിനം

https://www.facebook.com/സഹചര-amai-thrissur-107389900952942/


   🍃പ്രകൃതിക്ക് അന്യമായ നിലനിൽപ്പ്‌ ഒരു ജീവിവർഗ്ഗത്തിനും സാധ്യമല്ലെന്ന യാഥാർത്ഥ്യത്തിലേക്ക്‌ മനുഷ്യ രാശിയുടെ ശാസ്ത്രപരിജ്ഞാനം നീങ്ങിക്കൊണ്ടിരിക്കുന്ന കാലഘട്ടമാണിത്‌. കോവിഡ്‌ 19 എന്ന മഹാമാരിക്ക് മുൻപിൽ നമ്മുടെ ശാസ്‌ത്ര സാങ്കേതിക വിദ്യകൾ തെല്ലൊന്നു അന്ധാളിച്ചു പോയത്‌ നാം കണ്ടു. മനുഷ്യവംശം ഇത്തരം മഹാമാരികളെ നേരിടുകയും അതീജീവിക്കുകയും ചെയ്‌തിട്ടുണ്ട്‌ എന്നതാണ് ചരിത്രം. ഇത്തരം പ്രതിസന്ധികൾ നമ്മുടെ ചിന്താശൈലിയിൽ, ലോകവീക്ഷണത്തിൽ, ആരോഗ്യത്തെ സംബന്ധിച്ച കാഴ്‌ചപാടിൽ, ആവാസവ്യവസ്ഥയെ സംബന്ധിച്ച നിലപാടുകളിൽ, ഉപഭോഗപരമായ ശീലങ്ങളിൽ എല്ലാം സംസ്‌കരണത്തിന്‌ ഹേതുവാകുന്നു എന്നതാണ് വസ്‌തുത. പ്രകൃതിയെ സംബന്ധിച്ച് കോവിഡ്‌ 19, തെളിമയാർന്ന ചിത്രങ്ങൾ വരച്ചിടുന്നുണ്ട്‌. മനുഷ്യന്റെ ഇടപെടലുകൾ ചുരുങ്ങിയ കുറച്ച്‌ ദിവസങ്ങളിൽ, നാം മലിനമാക്കിയ വായു, ജലം, ഭൂമി, ഇവയെല്ലാം സ്വയം സ്വാസ്ഥ്യത്തിലേക്ക്‌ നീങ്ങുന്നത്‌ നാം കണ്ടു. മനുഷ്യൻ ഒഴിഞ്ഞിടത്തെല്ലാം ജീവന്റെ വിവിധ രൂപങ്ങൾ ഇരച്ചെത്തുന്ന കാഴ്‌ച നാം കണ്ടുകൊണ്ടിരിക്കുന്നു. ജൈവ വൈവിധ്യം പ്രകൃതിയുടെ തെളിമയെ കുറിക്കുന്നു എന്നതാണ് അതിന്റെ പ്രാധാന്യം.

    ഈ വർത്തെ അന്താരാഷ്ട്ര ജൈവ വൈവിധ്യ ദിനത്തിന്റെ ആശയം, 'എല്ലാ പ്രശ്‌നങ്ങൾക്കുമുള്ള ഉത്തരം പ്രകൃതിയിൽ ഉണ്ട്‌' എന്നതാണ്. നാം നേരിടുന്ന പാരിസ്ഥിതിക-ആരോഗ്യ-സാമ്പത്തിക-സാമൂഹിക പ്രശ്‌നങ്ങളുടെയെല്ലാം പരിഹാരം പ്രകൃതിയിലാണ് എന്ന് താൽപര്യം. വൈദ്യശാസ്ത്രം എന്ന നിലയിൽ ആയുർവേദം ഉയർത്തിപ്പിടിക്കുന്ന പരിഹാരങ്ങളും പ്രകൃതിദത്തമാണ്‌. പ്രകൃതിയോട് ചേർന്ന് ജീവിക്കുക, എന്നത്‌, ശിലായുഗത്തിലേക്കുള്ള തിരിച്ചുപോക്കാണ്‌ എന്ന്‌ പൊതുവെ തെറ്റിദ്ധരിക്കപ്പെടാറുണ്ട്‌. എന്നാൽ മനുഷ്യരാശിയുടെ പുരോഗതിയെ തടസ്സപ്പെടുത്തുന്ന. പിൻതിരിപ്പൻ ആശയമൊന്നുമല്ല ഇത്‌. പ്രകൃതിവിഭവങ്ങൾ, നാം ഓരോരുത്തർക്കും ഉപയോഗിക്കാൻ അവകാശം ഉണ്ടെന്നതു പോലെ തന്നെ, വരും തലമുറയ്ക്കും അതിലവകാശമുണ്ടെന്നും, ഭൂമിയിലെ ഓരോ ജീവജാലങ്ങൾക്കും ഇവിടെ നിലനിൽക്കാൻ അവകാശം ഉണ്ടെന്നുമുള്ള ബോധ്യമാണ്‌ ഈ ആശയത്തിന്‌ പുറകിൽ. നടന്നെത്താവുന്ന യാത്രയിൽ വാഹനം ഒഴിവാക്കുമ്പോൾ നാം വരും തലമുറയ്ക്ക് വായുവിനെ തെളിമയായി സംരക്ഷിക്കുന്നു. ഇത്തരത്തിൽ അനവധി നിരവധി ജീവജാലങ്ങളുള്ള സചേതനമായ പ്രകൃതിയിൽ, ജീവനെന്ന അത്‌ഭുതത്തെ പഠിക്കാനും, മനസ്സിലാക്കാനും, വരും തലമുറയ്ക്കായി ഈ വൈവിധ്യത്തെ കാത്തു സൂക്ഷിക്കാനും നമുക്ക് പ്രതിജ്ഞ ചെയ്യാം.

മലയാളത്തിന്റെ പ്രിയ കവി ഇടശ്ശേരി കുറിക്കും പോലെ, 'നാനാ ജഗന്മനോരമ്യഭാഷ' നമുക്കോരോരുത്തർക്കും കലർപ്പില്ലാതെ സംരക്ഷിക്കാം. ഗ്രേറ്റ തുൻബർഗിനെ പോലുള്ള കുഞ്ഞുങ്ങൾ, പള്ളിക്കൂടങ്ങൾക്കു പുറത്ത് നിന്നും നൽകുന്ന ഉൾക്കാഴ്ച, നമുക്ക് പള്ളിക്കൂടങ്ങൾക്കുള്ളിലെ വരും തലമുറയിലേക്ക് പകർന്നു നൽകാം.
Dr Anand R V

ഗൃഹവൈദ്യം-1

🎈ഗൃഹവൈദ്യം -1

🎈തയ്യാറാക്കിയത് :ഡോ എ. രാമചന്ദ്രൻ (ചീഫ്  മെഡിക്കൽ ഓഫീസർ, ഗവ. ആയുർവ്വേദ ആശുപത്രി, ഇരിണാവ്, കണ്ണൂർ).

🎈ഇത് പണ്ടേക്ക്പണ്ടേ നമ്മുടെ നാട്ടിൽ ഉപയോഗിച്ചിരുന്ന ചില രോഗശമന മാർഗ്ഗങ്ങൾ ആണ്.ഇപ്പോൾ ലോക്ക്ഡൗൺ കാരണം ആശുപത്രീയാത്രകൾ കഴിവതും ഒഴിവാക്കണം എന്നാണല്ലോ, ആ സാഹചര്യത്തിൽ ഈ മാർഗ്ഗങ്ങൾ നിങ്ങളുടെ പഞ്ചായത്തിലെ ആയുർവ്വേദ ഡോക്ടറുമായി ഫോണിൽ ബന്ധപെട്ടു ആലോചിച്ച ശേഷം നിങ്ങൾക്ക് പ്രയോജനപ്പെടുത്താവുന്നതാണ്.

 🎈ഇതെല്ലാം  പ്രാഥമിക ചികിത്സകൾ മാത്രമാണ്. മറ്റ് അസുഖങ്ങൾ ഉള്ളവരിലും തീവ്രമായ രോഗലക്ഷങ്ങൾ ഉള്ളവരിലും ഇത് ഫലപ്രദമാകണം എന്നില്ല.

1)പൊടുതല(പൊളൂര)ക്ക് ആനത്തകരയില മോരിലരച്ച് പുരട്ടുക

2)ഗര്‍ഭകാലഛര്‍ദ്ദിക്ക് മല്ലി അരിക്കാടിയിലരച്ച് കുടിക്കുക

3)എക്കിട്ടത്തിന് ലൈം ജ്യൂസില്‍ തേന്‍ ചേര്‍ത്ത് കഴിക്കുക

4)ദഹനക്കട്,വയറുവേദന എന്നിവക്ക് ഇഞ്ചിനീരില്‍ തേന്‍ ചേര്‍ത്ത് കഴിക്കുക

5)ഛര്‍ദ്ദിക്ക് മലര്‍ക്കഞ്ഞി കുടിക്കുക

6)വ്രണം ഉണങ്ങാന്‍ എള്ളും വേപ്പിലയും തേന്‍ ചേര്‍ത്ത് അരച്ചിടുക

7)തലയില്‍ താരന് ദന്തപ്പാലയില ചെറുതായരിഞ്ഞ് വെളിച്ചെണ്ണയിലിട്ട് വെയിലത്ത് വച്ച് എണ്ണയുടെ നിറം മാറുമ്പോള്‍ അരിച്ച് വച്ച് അത് തേച്ച് കുളിക്കുക

8)രക്ത സമ്മര്‍ദ്ദത്തിന് മുരിങ്ങയില ചെറുനാരങ്ങാ വലിപ്പത്തില്‍ അരച്ച് കഴിക്കുക

9)ഉളുക്ക് ചതവ് എന്നിവയ്ക് മുണ്ടകൈതയില നീരും മുട്ടയുടെ വെള്ളയും ചേര്‍ത്ത് അരച്ച് പുരട്ടുക

10)കൃമിരോഗത്തിന് പച്ചപപ്പായ മുറിക്കുമ്പോള്‍ വരുന്ന പശ പപ്പടത്തില്‍ പുരട്ടി ഉണക്കിയ പപ്പടം തീയില്‍ ചുട്ടെടുത്ത് ഭക്ഷണത്തിന്റെ കൂടെ കഴിക്കുക

11)ശോധനക്കുറവിന് ചെറുചൂടുള്ള പശുവിന്‍ പാലില്‍ ഒരു ടീസ്പൂണ്‍ നെയ്യ് ചേര്‍ത്ത് കഴിക്കുക

12)കീടവിഷത്തിന് തുളസിയിലയും പച്ച മഞ്ഞളും ചേര്‍ത്ത് അരച്ചിടുക.

13)കടന്നല്‍ വിഷത്തിന് മുക്കുറ്റി വെണ്ണ ചേര്‍ത്ത് അരച്ചിടുക

14)ചേർമര വിഷത്തിന് താന്നിക്കാത്തോടോ താന്നിപ്പട്ടയോ അരച്ചിടുക

15)കാലിലോ കയ്യിലോ വിഷമുള്ള മുള്ളോ അതു പോലുള്ള വസ്തുക്കളോ  തറച്ച് കയറിയാല്‍ എരുക്കിന്‍റെ പാല്‍ പുരട്ടി വെക്കുക, മുള്ള് താനേ പുറത്തേക്ക് വരും

16)മുറിവില്‍ നിന്ന് രക്തം പെട്ടെന്ന് നില്‍ക്കാനും മുറിവുണങ്ങാനും വരിക്ക പ്ളാവിന്റെ പച്ചക്കൊമ്പിന്റെ തോലെടുത്ത് കരിച്ച് പുരട്ടുക,തെങ്ങിന്റെ പുതിയ തിരിയുടെ മുകളിലുള്ള പൊടി വെച്ച് കെട്ടുക.

 17വയറിളക്കത്തിന് കുടകപ്പാല വേരിന്‍മേല്‍ തൊലിയും മാതളത്തോടും ചതച്ചിട്ട് തിളപ്പിച്ച വെള്ളം കുടിക്കുക.

..........🎈തുടരും🎈..........

ഡിസ്ട്രിക്റ്റ് ആയുർവേദ കോവിഡ് റെസ്പോൺസ് സെൽ(DACRC), കണ്ണൂർ.

ആയുർവേദം കാത്ത ആരോഗ്യം

ലോക തേനീച്ച ദിനം

https://m.facebook.com/story.php?story_fbid=128379145520684&id=107389900952942

🐝 **ലോക തേനീച്ച ദിനം**🐝

     പതിനെട്ടാം നൂറ്റാണ്ടിൽ ആധുനിക തേനീച്ച വളർത്തലിന് തുടക്കമിട്ട *ആന്റൺ ജെൻസയുടെ* ജന്മ ദിനമായ മെയ് 20 ആണ് ലോക തേനീച്ച  ദിനമായി ആചരിക്കുന്നത്.

🌺 പരാഗണത്തിന് കാരണക്കാരായ ഈച്ച വർഗ്ഗത്തിന്റെ പ്രാധാന്യം പരിസ്ഥിതിക്ക് എത്ര പ്രധാനപ്പെട്ടതാണ്  എന്ന് ബോദ്ധ്യപ്പെടുത്തുന്നതിനാണ് ഈ ദിനം ആചരിക്കുന്നത്.

 ഐക്യരാഷ്ട്രസഭയുടെ നേതൃത്വത്തിൽ ലോകമെമ്പാടും തേനീച്ചകളുടെ പ്രാധാന്യം വിളിച്ചറിയിക്കുന്നതാണ് ഈ ദിനം. 

🌒30 ദശലക്ഷം  വർഷങ്ങൾക്കുമുമ്പ് തേനീച്ച ഭൂമിയിലുണ്ട്. ആദ്യമായി തേനിനെ പറ്റിയുള്ള രേഖപ്പെടുത്തലുകൾ കണ്ടെത്തിയത്  സുമേറിയ യിൽ നിന്നുമാണ്. 2100- 2000 ബി സി ക്ക് മുൻപ് തന്നെ തേൻ  കഴിക്കുന്നതിനും പുരട്ടുന്നതിനും  ഉപയോഗിച്ചിരുന്നു.
☘️☘️ആയുർവേദത്തിലെ എല്ലാ പ്രമുഖ ഗ്രന്ഥങ്ങളിലും തേനിന്റെ ഗുണങ്ങളെ പറ്റിയും,  ഇനങ്ങളെ പറ്റിയും,  ഉപയോഗിക്കേണ്ടവിധത്തെ  പറ്റിയും പരാമർശങ്ങളുണ്ട്.

      തേനീച്ചകൾ,പൂന്തേൻ പൂമ്പൊടി എന്നിവ ഉപയോഗിച്ച് അവയുടെ എൻസൈമുകളുടെ സഹായത്തോടെ ഉത്പാദിപ്പിക്കുന്ന കൊഴുത്ത ദ്രാവകം ആണ്  തേൻ. തേനീച്ച പൂക്കളിൽ നിന്നും ശേഖരിക്കുന്ന പൂന്തേനിലെ മധുരത്തെ  എൻസൈമുകളുടെ സഹായത്തോടെ ഗ്ലൂക്കോസും ഫ്രക്ടോസും  ആയി വിഘടിപ്പിക്കുന്നു.  തേനീച്ചക്കൂടിന്റെ  ഘടനയും,  നിരന്തരമായി ചിറകുകൾ അടിക്കുന്നത് മൂലവും അമിതമായ ജലാംശം ബാഷ്പീ കരിക്കപ്പെടുന്നു. അങ്ങനെയാണ് പൂന്തേൻ,  തേനായി പരിണമിക്കുന്നത്. തേനിൽ സുക്രോസിന്റെ  അളവ് വളരെ കുറവായിരിക്കും. തേനിൽ പഞ്ചസാരലായനി മായമായി  ചേർക്കുന്നത് തിരിച്ചറിയുന്നത് ഈ അളവ് പരിശോധിച്ചാണ്. രണ്ടു ദശലക്ഷം പുഷ്പങ്ങളിൽ നിന്നും തേൻ സ്വീകരിച്ചാൽ മാത്രമേ അര കിലോ തേൻ ലഭിക്കുകയുള്ളൂ. ഒരു തേനീച്ച അതിന്റെ ജീവിത ചക്രത്തിൽ കേവലം 1.5 ടീ സ്പൂൺ തേൻ മാത്രമാണ് ഉത്പാദിപ്പിക്കുന്നത്.

   🌸🌸മാക്ഷികം,  മധു,  ക്ഷൗദ്രം  എന്നിങ്ങനെ പേരുകളുള്ള തേൻ,  ആയുർവേദ ശാസ്ത്രപ്രകാരം മധുര- കഷായരസവും, ശീതവീര്യവും രൂക്ഷഗുണവും ഉള്ളതാണ്. മലബന്ധത്തെ ഉണ്ടാക്കുന്നതും കണ്ണിന് ഹിത  കരവും ആണ്. സ്വരം നന്നാവുന്നതിനും വ്രണ ശോധനയുണ്ടാക്കുന്നതുമാണ്‌. സൂക്ഷ്മ സ്രോതസ്സുകളെ ശുദ്ധീകരിക്കുന്നതും,  ശരീരത്തിന് നിറം നൽകുന്നതും ബുദ്ധിയെ വർധിപ്പിക്കുന്നതുമാണ്. ഒരു ദ്രവ്യത്തിന്റെ  കൂടെ  ചേരുമ്പോൾ അതിന്റെ വീര്യം കൂട്ടുന്നതിനും സൂക്ഷ്മതലത്തിൽ എത്തുന്നതിനു സാധിക്കുന്ന തേനിന്റെ ഈ  സ്വഭാവത്തെ യോഗവാഹി എന്നാണ് പറയുക.
കൂടാതെ ത്വക്ക് രോഗങ്ങൾ അർശസ്സ്, ചുമ, കഫക്കെട്ട്,  പ്രമേഹം, അമിത കൊഴുപ്പ്,  ദാഹം, ശ്വാസംമുട്ട്,  അതിസാരം,  എന്നീ രോഗാവസ്ഥയിലും തേൻ ഉത്തമമാണ്.

 ആയുർവേദത്തിൽ ഭക്ഷ്യവസ്തു എന്ന നിലയിലും ഔഷധ യോഗങ്ങളിലും,  മരുന്നുകൾക്കൊപ്പം ചേർത്ത് ഉപയോഗിക്കേണ്ട വസ്തുവായും, വസ്തി ചെയ്യുന്നതിനും കണ്ണിലെ ക്രിയാ ക്രമങ്ങൾക്കും തേൻ ഉപയോഗിക്കുന്നു. മധുരം എന്നതിനു പുറമേ മിനറലുകളുടെയും വിറ്റാമിനുകളുടെയും  ഒരു കലവറ കൂടിയാണ് തേൻ. പൊട്ടാസ്യം, സൾഫർ, ക്ലോറിൻ, കാൽസ്യം,  ഫോസ്ഫറസ്,  മഗ്നീഷ്യം,  മാംഗനീസ്, അയൺ,കോപ്പർ,  വിറ്റാമിൻ ബി, വിറ്റാമിൻ സി എന്നിവയും തേനിൽ  അടങ്ങിയിട്ടുണ്ട്,

🐝 *"Save the bees"* 🐝 എന്നതാണ് ഇത്തവണത്തെ " *World Bee day"*  സന്ദേശം.
ലോകത്ത്‌  ഏകദേശം 20,000 തരത്തിലുള്ള ഈച്ചകൾ ഉണ്ട്. അന്തരീക്ഷ മലിനീകരണം,  ഈച്ചകളുടെ വംശനാശത്തിന് കാരണം ആയിക്കൊണ്ടിരിക്കുന്ന തായി പഠനങ്ങൾ ശരിവയ്ക്കുന്നു.
കാർഷിക മേഖല ഏറ്റവുമധികം ആശ്രയിക്കുന്നത് ഇവയെ ആണ്.  പഴങ്ങളിലും പച്ചക്കറികളിലും 80% പരാഗണം സംഭവിക്കുന്നത് ഈച്ചകൾ വഴിയാണ്. *"തേനീച്ചകൾ ഇല്ലാത്ത ലോകത്ത് മനുഷ്യൻ നാലു വർഷം മാത്രമേ ആയുസ്സുള്ളൂ "* എന്നാണ് പ്രശസ്ത ശാസ്ത്രജ്ഞനായ *ആൽബർട്ട് ഐൻസ്റ്റീൻ* പറഞ്ഞിരിക്കുന്നത്.

       തേനീച്ച കൃഷി വളരെ മുടക്കുമുതൽ കുറഞ്ഞ മികച്ച  ആദായം തരുന്ന കൃഷിയാണ് *. "ഒരു വീട്ടിൽ ഒരു തേനീച്ചക്കൂട്* " എന്നത് നല്ല ഒരു സന്ദേശമാണ്. ശുദ്ധമായ തേൻ വീട്ടിലെ ആവശ്യത്തിന് ഉപയോഗിക്കാൻ ലഭിക്കുന്നു എന്നത് തന്നെ ഇതിലെ വലിയ നേട്ടമാണ് ഏവരും അതിനായി പരിശ്രമിക്കുന്നത് പ്രകൃതിയുടെ സന്തുലനം നിലനിർത്തുന്നതിന് ഗുണം ചെയ്യും.


*ഡോ ദിവ്യ എസ് ബാലചന്ദ്രൻ*
 *അസി.  പ്രൊഡക്ഷൻ മാനേജർ*
 *റിസർച്ച് ആൻഡ് ഡെവലപ്മെന്റ്*
 *ഔഷധി*

NB: തേൻ ചൂടാക്കരുത് , ചൂടുള്ളവ ചേർത്ത് ഉപയോഗിക്കയുമരുത്

ആചാര്യന്റെ ജന്മശതാബ്ദി May 20

May 20

ആചാര്യന്റെ ജന്മശതാബ്ദി

https://www.facebook.com/107389900952942/posts/128062175552381/

🍁രോഗത്തെ കുറിച്ചും മരുന്നിനെ കുറിച്ചും,  വാക്‌സിനെ കുറിച്ചും ലോകം ചർച്ച ചെയ്യുന്ന ഈ സമയത്താണ് ആചാര്യന്റെ ജന്മശതാബ്ദി എന്നത് യാദൃശ്ചികം ആകാം..
അദ്ദേഹത്തിന്റെ വാക്കുകൾ ശ്രദ്ധിക്കാം 🍁

☘️"ജീവിതത്തിന്റെ സാഹചര്യങ്ങളിലും, സമ്പ്രദായങ്ങളിലും, ശീലങ്ങളിലും, രീതികളിലുമെല്ലാം, ഉചിതമായ മാറ്റം വരുത്താതെ, വന്നു ചേരാവുന്ന ഏതു രോഗവും ചികിത്സിച്ചു മാറ്റാവുന്ന മരുന്നു കണ്ടുപിടിക്കുകയും, സൗകര്യപ്പെടുത്തിക്കിട്ടുകയും കൊണ്ട്, വന്ന രോഗം മാറ്റാനല്ലാതെ,
സാർവത്രികമായി സർവ്വർക്കും ആരോഗ്യം ലഭിക്കുകയില്ല "☘️

 🌳"അതിനു ആരോഗ്യത്തെ ഉദ്ദേശിച്ചു തന്നെ ആലോചിക്കുകയും പ്രവർത്തിക്കുകയും വേണ്ടിയിരിക്കുന്നു"🌳

 🌹പദ്മഭൂഷൺ വൈദ്യഭൂഷണം കെ രാഘവൻ തിരുമുൽപാട്‌.*🌹

"രാഗാദിരോഗാൻ സതതാനുഷക്താ -

നശേഷകായ പ്രസൃതാനേശേഷാൻ

ഔത്സുക്യമോഹാരതിദാൻ ജഘാന

യോ/പൂർവ്വെൈദ്യായ നമോസ്തു തസ്മൈ"

🙏🙏🙏🙏🙏🙏🙏🙏🙏🙏🙏🙏🙏🙏🙏🙏

സദാചാരം ... Consciousness Ayurveda......

ആയുഷ് മിഠായി

🍬🍬 *ആയുഷ് മിഠായി* 🍬🍬
 

COVID 19 എന്ന മഹാമാരിയുടെ പ്രതിരോധത്തിന്റെ ഭാഗമായുള്ള   അസാധാരണ സാഹചര്യത്തിലൂടെ ആണ് നാം ഏവരും കടന്ന് പോകുന്നത്.
☘️☘️☘️☘️☘️☘️☘️☘️

ശരീരത്തിന് വേണ്ട വ്യായാമം  കുറഞ്ഞു വരുന്നു.
ഒപ്പം  അമിതമായ ഉത്കണ്ഠ, ഭയം എന്നിവയും.
😡😡😡
അത് ഉറക്കക്കുറവ് പോലുള്ള അവസ്ഥയിലേക്കും,  പ്രമേഹം പോലുള്ള ജീവിതശൈലി രോഗങ്ങൾ വർദ്ധിക്കാൻ ഉള്ള  സാധ്യതയിലേക്കും വഴി തെളിക്കുന്നു.


 *ഭക്ഷണം, വ്യായാമം, മാനസികാരോഗ്യം എന്നിവ പ്രമേഹം നിയന്ത്രണത്തിൽ ആക്കാൻ വളരെ അധികം സഹായിക്കാറുണ്ട്* .

 *"ആയുഷ് മിഠായി"*

 ജീവിത ശൈലീ ക്രമീകരണത്തിലൂടെ പ്രമേഹ രോഗത്തെ നിയന്ത്രിച്ച്  ജീവിതത്തിന്റെ മധുരം നുകരാനുള്ള  ഒരു ഓൺലൈൻ ട്രെയിനിങ്ങ് പരിപാടി.

 ഭാരതീയ ചികിത്സ വകുപ്പ്, തൃശ്ശൂർ  & നാഷ്ണൽ ആയുഷ് മിഷൻ എന്നിവ സംയുക്തമായി രാമവർമ്മ ജില്ലാ ആയുർവേദ ആശുപത്രിയിലെ,മാനസിക ആരോഗ്യ  വിഭാഗം നേത്ര വിഭാഗം,ആയുഷ് വെൽനെസ്സ് സെന്റർ  എന്നിവയുടെ സഹായത്താൽ ആണ് ഈ പദ്ധതി നടപ്പിലാക്കുന്നത്.

 7 ദിവസത്തെ ട്രെയിനിങ് പ്രോഗ്രാം

1. പ്രമേഹം - അനുബന്ധ ഉപദ്രവ രോഗങ്ങൾ - ശരീരത്തെ ഏത് രീതിയിലൊക്കെ ആണ് ബാധിക്കുക - ബോധവത്കരണ ക്ലാസുകൾ

2.. ഭക്ഷണ രീതികൾ വീട്ടിൽ തയ്യാറാക്കാൻ കഴിയുന്ന ഭക്ഷണങ്ങളുടെ നിർദേശങ്ങൾ

3.ജീവിതരീതി - ശാരീരികവും മാനസികവും ആയ സ്വാസ്ഥ്യത്തിനു വേണ്ട ജീവിത രീതിയിൽ വരുത്തേണ്ട മാറ്റങ്ങൾ എന്നിവ നിർദേശിക്കുന്നു.

4..  വീട്ടിൽ ചെയ്യാൻ കഴിയുന്ന
🌿യോഗ
🌿 പ്രാണായാമം
🌿 മെഡിറ്റേഷൻ എന്നിവയുടെ നിർദേശങ്ങൾ

5. സ്വന്തം അനുഭവങ്ങൾ, പരീക്ഷണങ്ങൾ  പങ്ക് വെക്കുക - അതിലൂടെ ഉള്ള ചർച്ചകൾ.

ഇപ്പോൾ കഴിച്ചു കൊണ്ടിരിക്കുന്ന,  ആയുർവേദ / അലോപ്പതി / ഹോമിയോ തുടങ്ങിയ മരുന്നുകളിൽ യാതൊരു മാറ്റവും വരുത്തേ ണ്ടതില്ല.


 7 ദിവസത്തെ ഫോണിലൂടെ ഓഡിയോ,  വീഡിയോ , (വാട്സ് ആപ്പ് , യു  ട്യൂബ്  ) തുടങ്ങിയ മാർഗങ്ങളിലൂടെ ഉളള ട്രെയിനിങ് പ്രോഗ്രാം..

ആദ്യം രജിസ്റ്റർ ചെയ്യുന്ന 25 പേരെ ആണ് ആദ്യഘട്ടത്തിൽ പദ്ധതിയിൽ ചേർക്കുക.

കൂടുതൽ പേരുണ്ടെങ്കിൽ ട്രെയിനിംഗ് തുടരും.

തൃശ്ശൂർ ജില്ലയിൽ ഉള്ളവർക്ക് മുൻഗണന

കൂടുതൽ വിവരങ്ങൾക്കായി ബന്ധപെടുക :
9188526392

രജിസ്റ്റർ ചെയ്യുന്നതിനായി താഴെ ഉള്ള ഗൂഗിൾ ഫോം പൂരിപ്പിക്കുക


https://docs.google.com/forms/d/10_73WZGrjT4DUXqOZGwBUiyLpsIHDH2q7Z3Mtz_4EyY/edit

കരുത്തേകാൻ ആയുർവേദം

ആഹാരത്തിലൂടെ ആരോഗ്യം

കോവിഡ് കാലത്തെ പുനർവിചിന്തനങ്ങൾ

ശ്വാസകോശരോഗങ്ങൾ പ്രതിരോധിക്കാം ആയുർവ്വേദത്തിലൂടെ

☘️ *ശ്വാസകോശരോഗങ്ങൾ  പ്രതിരോധിക്കാം  ആയുർവ്വേദത്തിലൂടെ* ☘️

https://www.facebook.com/107389900952942/posts/124212319270700/


ശരീരത്തിന്റെ  പ്രതിരോധ ശേഷി വർധിപ്പിക്കുന്ന ഫലപ്രദമായ ഔഷധങ്ങൾ ആയുർവേദത്തിലുണ്ട്.

**ശിശുക്കൾക്കും കുട്ടികൾക്കും  ഉണ്ടാകുന്ന കഫക്കെട്ടിൽ*                       
🍃പനികൂർകയില വാട്ടിപ്പിഴിഞ്ഞ നീരിൽ ഒരു നുള്ള് ഇന്ദുപ്പും ഒരു സ്പൂൺ കൽക്കണ്ടവും ചേർത്ത് യോജിപ്പിച്ചു പലവട്ടമായി കൊടുക്കുക.

*തുളസിയിലയും ഇപ്രകാരം ഉപയോഗിക്കാം.

കുട്ടികളിലെ ശ്വാസതടസത്തിനു.                          ആടലോടകത്തില വാട്ടിപ്പിഴിഞ്ഞ നീരിൽ തേനും ഇന്ദുപ്പും യോജിപ്പിച്ചു പലവട്ടമായി കൊടുക്കുക.

 **കഫകെട്ടോടു കൂടിയ ചുമക്ക്*
ചുക്ക്, കുരുമുളക്, ചെറുതിപ്പലി, ഇരട്ടിമധുരം വരട്ടുമഞ്ഞൾ ഇവ സമമായി എടുത്തു ഉണക്കിപ്പൊടിച്ചു തുല്യം കൽക്കണ്ടം പൊടിച്ചു  ചേർത്ത് ഒരുടീസ്പൂൺ,  തേനിൽ കുഴച്ചു രണ്ടോ മൂന്നോ നേരം ആഹാരശേഷം .

 *തുമ്മലിന്*     
          കരിനൊച്ചിയില, വരട്ടുമഞ്ഞൾ ,കുരുമുളക് - തിളപ്പിച്ച് പലവട്ടമായി കുടിപ്പിക്കുക .

 *പനിക്ക്*
        ചിറ്റമൃത് കടുക്കത്തോട് ചുക്ക് ,പനിക്കൂർക്കയില, -തിളപ്പിച്ച് പലവട്ടമായി കുടിക്കുക.

 **ജലദോഷം, മൂക്കടപ്പ്*
 -  തുളസി സമൂലം നാലിലൊരു ഭാഗം കുരുമുളക് ചേർത്ത് തിളപ്പിച്ച് കുടിക്കുക.

 *തൊണ്ടവേദനക്ക്*

 ചിറ്റമൃത്, വരട്ടുമഞ്ഞൾ, ചുക്ക് വെള്ളം തിളപ്പിച്ച് കുടിക്കുക .

 🔴*പ്രത്യേക ശ്രദ്ധയ്ക്ക്*🔴

         ഇവിടെ പറയുന്ന  ഗൃഹ ഔഷധികളും  ആഹാര പാനീയങ്ങളും  ജീവിത ചര്യകളും മറ്റും പാലിക്കുന്നത് ശ്വാസ കോശ രോഗങ്ങൾ ഉണ്ടാകാതിരിക്കാനും ആവർത്തനം തടയാനും സഹായിക്കുന്നു. 

 *പക്ഷെ ഇത് ചികിത്സക്ക്  പകരമാവില്ല. രോഗലക്ഷണങ്ങൾ കണ്ടാൽ ഉടൻ കൃത്യമായ വൈദ്യസഹായം തേടേണ്ടത്* അത്യാവശ്യമാണ്.

തയ്യാറാക്കിയത് : ഡോ ജോസ് ടി  പൈകട

 *Covid 19 ലക്ഷണങ്ങൾ ഉള്ളവർ ദിശ യുടെ ഹെൽപ്‌ലൈനിൽ ബന്ധപ്പെടേണ്ടതാണ്.*

#കരുതലോടെകേരളം
#കരുത്തേകാൻആയുർവേദം

 District Ayurveda Covid Responce Cell, Thrissur

സ്ക്കൂൾ വിദ്യാർത്ഥികളിലെ പഠന വൈകല്യങ്ങൾ പരിഹരിക്കുന്നതിൽ ആയുർവ്വേദത്തിൻ്റെ ഫലപ്രാപ്തി

സ്ക്കൂൾ വിദ്യാർത്ഥികളിലെ പഠന വൈകല്യങ്ങൾ പരിഹരിക്കുന്നതിൽ ആയുർവ്വേദത്തിൻ്റെ ഫലപ്രാപ്തി.. ഗവേഷണ ഫലങ്ങൾ പുറത്തു വന്നു.
............................................................
https://www.ethicalayurveda.com/

പഠന വൈകല്യങ്ങൾ പരിഹരിക്കുന്നതിന് ആയുർവ്വേദ മരുന്നുകളും, സംഗീത ചികിത്സയും യോഗയും ചേർത്ത് പഠിപ്പിച്ചാൽ കൂടുതൽ ഫലം ലഭിക്കുമെന്ന് പുതിയ ഗവേഷണ ഫലങ്ങളാൽ കണ്ടു പിടിക്കപ്പെട്ടു. കേരള സർക്കാരിൻ്റെ കീഴിലുള്ള " സെൻറർ ഫോർ ഡിസബിലിറ്റി സ്റ്റഡീസ് " ൻ്റ കീഴിൽ ആണ് ഗവേഷണം നടത്തിയത്. കോട്ടക്കൽ ആയുർവ്വേദ കോളേജിലെ പ്രൊഫസർ ഡോ.ദിനേഷും കൊച്ചിയിലെ ജീവനീയം ആയുർവ്വേദ റിസർച്ച് സെൻററിലെ ഡോ.രശ്മിയും ചേർന്നാണ് ഗവേഷണം നടത്തിയത്.
ഡോ. ദിനേഷ് , കോട്ടക്കൽ ആയുർവ്വേദ കോളേജിലെ ഓട്ടിസം, പഠനവൈകല്യ സ്ഥാപനത്തിൻ്റെ (AyuCALM-Ayurveda Centre for Autism and Learning disability Management ) സ്ഥാപകനാണ്. ഡോ.രശ്മി പഠന വൈകല്യങ്ങളിൽ ഏറെ കാലമായി പ്രവർത്തിക്കുന്ന കാഴ്ചശക്തി നഷ്ടപ്പെട്ട ഒരു ഡോക്ടർ കൂടിയാണ്.
2014 ൽ തുടങ്ങിയ ഈ ഗവേഷണം പൂർത്തിയാകാൻ 4 വർഷം സമയമെടുത്തു. ഇപ്പോൾ ഗവേഷണഫലം അന്താരാഷ്ട്ര ജേർണലിൽ ലഭ്യമാണ്.
കോട്ടക്കൽ ആയുർവ്വേദ കോളേജിലെത്തന്നെ ഡോ.നസീമ പി.കെ, ഡോ.ശാന്തികൃഷ്ണ, ഡോ.സ്വപ്ന ചിത്ര എന്നിവരാണ് ഈ ഗവേഷണത്തിലെ മറ്റു പങ്കാളികൾ.

ഈ ഗവേഷണ ഫലങ്ങളെ ഓരോ സ്കൂളിലും ഉപയോഗപ്പെടുത്തിയാൽ മാത്രമെ സംസ്ഥാന സർക്കാരിന് റ ഇത്തരം ഉദ്യമങ്ങൾക്ക് പൂർണ്ണ ഫലപ്രാപ്തി ലഭിക്കുകയുള്ളൂ. പഠന വൈകല്യങ്ങളുടെ വിവിധ കാരണങ്ങളിൽ പ്രധാനപ്പെട്ട ശാരീരിക മാനസിക കാരണങ്ങളെ പരിഹരിക്കുന്നതിലൂടെയാണ് ആയുർവ്വേദ മരുന്നും യോഗയും സംഗീത ചികിത്സയും കൂടുതൽ ഫലപ്രാപ്തി ലഭിക്കാൻ കാരണമാകുന്നതെന്ന് ഗവേഷകർ പറഞ്ഞു. ആയുർവ്വേദത്തിലെ ഇത്തരം ഇടപെടലുകൾ പഠന വൈകല്യം ഉള്ള കുട്ടികളിലെ പിരി പിരിപ്പും ( Hyperactivity) ഗണ്യമായി കുറക്കുന്നുണ്ടെന്ന് ഈ ഗവേഷണത്തിലൂടെ കണ്ടെത്തി.
ഓട്ടിസത്തിലും, പഠന വൈകല്യങ്ങളിലും ഇനിയും ഇത്തരത്തിലുള്ള ഗവേഷണങ്ങൾ കോട്ടക്കൽ ആയുർവ്വേദ കോളേജിലെ ശിശുരോഗ വിഭാഗത്തിലും, മാനസിക വിഭാഗത്തിലും നടന്നുകൊണ്ടിരിക്കുകയാണെന്ന് കോളേജ് പ്രിൻസിപ്പൽ ഡോ.സി. വി. ജയദേവൻ അറിയിച്ചു.

കേന്ദ്ര ഗവർമ്മെണ്ടിൻ്റെയും, സംസ്ഥാന സർക്കാറിൻ്റെയും ഇത്തരം ഗവേഷണപദ്ധതികൾ നിർവ്വഹിക്കുന്നതിൽ പുതിയ ചുവടുകൾ രൂപപ്പെടുത്തി വിവിധ അന്താരാഷ്ട്ര സർവ്വകലാശാലകളുമായി സഹകരണം ഉറപ്പാക്കി പുതിയ ആയുർവ്വേദ പ്രോട്ടോക്കോളുകൾ രൂപപ്പെടുത്തുകയാണ് ലക്ഷ്യമെന്ന് ഈ ഗവേഷണങ്ങൾക്കെല്ലാം നേതൃത്വം കൊടുക്കുന്ന കേരള ആയുർവ്വേദ പഠന ഗവേഷണ സൊസൈറ്റിയുടെ എക്സിക്യൂട്ടീവ് ഡയറക്ടർ ശ്രീ.ശ്രീകൃഷ്ണൻ.കെ. അറിയിച്ചു..

https://www.ethicalayurveda.com/